Ma’naviyat va marifat

 


TOSHKENT VRACHLAR MALAKASINI OSHIRISH INSTITUTI MAʻNAVIYAT TARG‘IBOT MARKAZI FAOLIYATI HAQIDA

      Mustaqillik yillarida mamlakatimizda jamiyat hayotining maʻnaviy-maʻrifiy asoslarini mustahkamlash, milliy istiqlol g‘oyasining asosiy tushuncha va tamoyillarini hayotga joriy etish, yurtdoshlarimiz, ayniqsa, yosh avlod qalbida Vatanimiz taqdiri va kelajagi uchun daxldorlik va masʻuliyat hissini oshirish, yot g‘oyalarga qarshi mafkuraviy immunitetni kuchaytirishga yo‘naltirilgan targ‘ibot tizimi shakllandi. Bu jarayonda Respublika Maʻnaviyat targ‘ibot markazi, uning joylardagi tuzilmalari hamda Milliy g‘oya va mafkura ilmiy-amaliy markazi tomonidan muayyan ishlar amalga oshirilganini qayd etish lozim.

     Toshkent vrachlar malakasini oshirish instituti miqiyosida o‘tkazib kelinayotgan maʻnaviy-maʻrifiy tadbirlarning barchasi institutda faoliyat olib boruvchi professor-o‘qituvchilar,  ilmiy-tadqiqotchilar, klinik ordinatorlar va maʻmuriy xo‘jalik bo‘limi xodimlari hamda tinglovchi kursantlarning siyosiy-huquqiy madaniyatini oshirishga, ularning maʻnaviy dunyosini boyitish va tafakkur doirasini yanada yuksaltirishga yo‘naltirilgan.

     Jamiyatimiz hayotiga daxldorlik hissi bilan yashash, yetuk shifokor va mutaxassis bo‘lish bilan birga maʻnaviy dunyosi shakllangan, komil inson bo‘lishga intilish tibbiyot sohasining barcha vakillariga xos bo‘lgan fazilat hisoblanadi.Shundan kelib chiqib, jahon adabiyoti va sanʻati durdonalarini bilish, tarixni chuqur tahlil eta olish bilan birga davlat siyosatiga munosabatini namoyon qilish, jamiyatda tinchlik osoyishtalik va farovonlikka erishish yo‘lida mehnat va ijod qilish faqat yuksak manaviyatli insonlarga xosdir. Ana shun maʻnoda institutimizda o‘tkaziladigan tadbirlarga taniqli adabiyot namoyondalari shoir va yozuvchilar, ko‘zga ko‘ringan yirik fan va davlat arboblari, sanʻat ustalari tashrif buyurishadi. Institut yoshlari va respublikamizning turli viloyatlaridan malaka oshirishga kelgan shifokor-kursantlar mazkur tadbirlarda faol ishtirok etib yanada o‘zlarining dunyoqarashini shakllanadi. Poytaxtimizda faoliyat yurituvchi teatrlarning institut sahnasida namoyish etgan spektakllari ishtirokchilarda katta taʻsurot uyg‘otadi va maʻnaviy dunyosini boyitishga xizmat qiladi. Institutimizda  har oyda reja asosida maʻnaviyat kunlari , turli xil tadbirlar o‘tkaziladi. Mazkur tadbirlar jamoani hamjixatlikda institutimizni gullab yashnashi va ravnaqi uchun xizmat qilishga undaydi hamda yangi marralar sari chorlaydi, tadbir davomida  professor-o‘qituvchilar,  xodimlar, aspirantlar va klinik ordinatorlar   faol ishtirok etishadi.  Institutning barcha kafedralarida tashkil etiladigan o‘quv jarayoni dars jadvaliga 6 soatlik maʻnaviyat va maʻrifat mashg‘ulotlari kiritilgan. Mazkur soatlarda Prezidentimiz asarlari va maʻruzalari, davlatimiz siyosati, shifokor maʻnaviyati, komil inson g‘oyasi, milliy istiqlol g‘oyasi kabi mavzularda mashg‘ulotlar kafedra professorlari va dotsentlari tomonidan olib boriladi. Institutda olib borilayotgan maʻnaviy va maʻrifiy tadbirlarni yuqori saviyada tashkil etishda, rektorat, dekanat, xodimlar kasaba uyushmasi, Faxriylar Kengashi,  Xotin-qizlar qo‘mitasi va O‘zbekiston Yoshlar Ittifoqi boshlang‘ich tashkiloti faol qatnashib kelishmoqda.