Endokrinologiya kafedrasi

Endokrinologiya kafedrasi:
Raximova Gulnara Nishanovna
Tibbiyot fanlari doktori,professor, kafedra mudirasi.
Qabul kunlari: Har kuni 14:00 – 17:00
Telefon:  +998 71 262-30-31
E-mail:   diabetgulnora@hotmail.com


1958 y. Toshken shahrida tug‘ilgan, o‘zbek. 1981 yilda «davolash ishi» mutaxassisligi bo‘yicha ToshDavTIni tamomlagan.

1993 yil nomzodlik, 2002 yilda doktorlik dissertatsiyasini yoqlagan.  2000 yildan to hozirga qadar O‘zR SSV RIIATEndokrinologiya Markazi Bolalar Endokrinologiyasi ilmiy bo‘limi raxbari. 2010 yildan 2014 yilgacha O‘zR SSV bosh pediatr-endokrinologi lavozimida faoliyat ko‘rsatgan. 2011 yil avgust oyidan  ToshShMOI endokrinologiya kafedrasini rahbari.

Xozirgi kunda ToshShMOI endokrinologiya kafedrasining rahbari professor Raximova G.N. qo‘l ostida 6 nomzodlik dissertatsiyalari himoyalangan, 7 magistrlik dissertatsiyasiga rahbarlik qilganlar, 4 izlanuvchi tibbiyot fanlari nomzodligi himoyasiga, 2 izlanuvchi tibbiyot fanlari doktori darajasini yoqlashga tayyorlanmoqdalar.

 T.f.d. Raximova G.N. endokrinologiya sohasida 1986 yildan beri ishlab kelmoqda. Izlanishlar yunalishi: oqsillarning nofermentativ glikirlanishi, o‘ziga xos diabetik mikroangiopatiyalar va yurak-qon tomir kasalliklari, 1 va 2 tur qandli diabet rivojlanish patogenezining genetik determinirlanganligi, 1 tur qandli diabet Registrlari, tug‘ma gipotireoz, tug‘ma buyrak usti bezi pustloq qismi disfunktsiyasi, metabolik sindrom, o‘sish va pubertatning buzilishiga urg‘u bergan holda bolalar endokrinologiyasi, orfan kasalliklar.

300 dan ortiq ilmiy nashrlari mavjud, 40 uslubiy tavsiyalar va qo‘llanmalar, 6 monografiya muallifi. 2007 yildan boshlab  IDFdan «Insulin for life» va «Life for child» 2ta xalqaro grant, 2011yildan  WDFdan «O‘zbekistonda bolalar diabeti» xalqaro grantlar moderatori.  1998 yildan EASD, 2006 yildan ESPE, 2012 yildan ESE aʻzosi. ESPE tomonidan tashkil qilingan bolalar endokrinologiyasi buyicha Kavkaz va O‘rta Osiyo mamlakatlari uchun Xalqaro maktabining treneri hisoblanadi.


Kafedra tarixi

     Endokrinologiya kafedrasi O‘zbekiston Respublikasi Sog‘liqni Saqlash Vazirligi Respublika Ixtissoslashgan Ilmiy–Amaliy Endokrinologiya markazida joylashgan. Birinchi bor O‘rta Osiyoda Endokrinologiya Kafedrasi 1965-yilda Professor Qayumov Erkin Gafurofich tomonidan tashkil qilingan. Professor Qayumov E.G. kafedraga 25 yil mobaynida (1965-1986y.) raxbarlik qilgan.

Endokrinologiya kafedrasi O‘zbekiston Respublikasi Sog‘liqni Saqlash Vazirligi Respublika Ixtisoslashgan Ilmiy-Amaliy Endokrinologiya Markazida joylashgan. Birinchi bor O‘rta Osiyoda Endokrinologiya kafedrasi 1965 yilda professor Kayumov E.G. tomonidan tashkil kilingan. Professor Kayumov E.G. kafedraga 25 yil mobaynida (1965-1986y.) rahbarlik qilgan. Bu yillar davomida kafedrada 700 dan ortiq yuqori mutaxassislashgan Respublika endokrinologlari tayyorlandi, kafedra viloyatlardagi endokrinologik dispanserlarni ochilishida faol qatnashdi, O‘zbekiston Respublikasida qandli diabet epidemiologiyasi bo‘yicha ilmiy ish o‘tkazdi.

1989 y. O‘zR FA qoshidagi Endokrinologiya ITI eksperimental laboratoriyasini boshlig‘i professor, t.f.d. Miraxmedov M.M. endokrinologiya kafedrasiga rahbar etib tayinlangan. 1991 yildan 2011 yilgacha kafedraga professor, t.f.d. Raximova D.Z. rahbarlik qilgan.

2011y. avgust oyidan kafedraga prof.. Raximova G.N. rahbarlik qilib kelmoqda. Shu bilan bir qatorda professor Raximova G.N. O‘zR SSV RIIAT Endokrinologiya Markazi bolalar endokrinologiyasi ilmiy bo‘limining rahbari bo‘lib hisoblanadi.  

Uzoq yillar davomida endokrinologiya kafedrasida faoliyat ko‘rsatib kelgan hodimlar: dotsentlar t.f.n. Dmitrieva Ye.N., t.f.n. Alimova G.A.,  t.f.n. Sharafutdinova L.M., t.f.n. Xaydarova F.A., assistentlar Lutfullaev F.L., Umarov T.T. va Shamansurova Z.A.lardir.

Hozirgi vaqtda kafedrada faoliyat ko‘rsatib keluvchi hodimlar: assistentlar –  t.f.n. Alixanova N.M., t.f.n. Xaydarova R.T., t.f.n.  Djuraeva A.Sh., t.f.n.  Alimdjanov N.A.,  stajyor-o‘qituvchilar – Duschanova N.T., Axrorov K.U. lardir. Bugungi kunda kafedrada 1 professor, 4 tibbiyot fanlari nomzodi (3 assistent), 2 ta stajyor-o‘qituvchilar ishlamokdalar va 15 klinik ordinatorlar o‘qitilmokdalar.

Hozirgi vaqtda kafedrada o‘qish jarayonida anʻanaviy o‘qitilish bilan bir qatorda, zamonaviy pedagogik qo‘llanmalar qo‘llanilmokda, interaktiv seminarlar, master-klasslar olib borilmoqda. Maʻruzalar zamonaviy Microsoft Power Point va b. texnologiyalar qo‘llanilgan holda o‘qilmokda. O‘quv jarayoniga endokrin kasaliklarni davolash va tashhislashda zamonaviy xalqaro tavsiyalar, konsensuslar va tasniflarga tayangan holda endokrinolgiyaning dolzarb masalalari bo‘yicha yangi o‘quv programmalar kiritilgan.  

Turli xildagi innovatsion texnologiyalar faol qo‘llanilmoqda. Kafedrani eletron kutubxonasini tashkil qilish bo‘yicha ishlar olib borilmoqda. Hozirda elektron kutubxonada 90dan ortiq mahalliy va xorijiy olimlar monografiyalari va o‘quv kullanmalari, zamonaviy xalqaro konsensus va tavsiyalar, endokrinologik xizmat bo‘yicha buyruqlar va qarorlar mavjud.

Shifokor-kursantlarning mustaqil ishlarida Internetdan olingan adabiyotlardan foydalanishlariga katta eʻtibor qaratilgan. Kursantlar mustaqil ravishda Microsoft Power Pointda tematik prezentatsiyalar tayyorlashadi va taqdim etishadi. Prezentatsiyalar kafedraning elektron bazasiga kiritiladi.  

O‘zR SSv Toshkent Shifokorlar Malakasini Oshirish Instituti Endokrinologiya kafedrasi malaka oshirishning tematik tsikllarini, endokrinologlar, pediatrlar, UASh, reanimatologlar, ginekologlar, androloglar malakasini oshirish buyicha  mutaxassislashgan tsikllarni, shuningdek mamlakatimiz hududlarida «Salomatlik-3» loyiaxsi buyicha master-klasslar  o‘tkazadi va o‘qitadi, endokrinolog, pediatr-endokrinolog va endokrin jarroh ixtisosligi bo‘yicha mutaxassislar o‘qitadi. 

Endokrinologiya kafedrasining dolzarb vazifalari quyidagilar hisoblanadi:

  • Professor-o‘qituvchilarning bilim va malakalarini metodik qo‘llanmalar va o‘quv-uslubiy majmualar yordamida o‘quv jarayoni va mahalliy tibbiy amaliyotga tadbiq etish.
  • Shifokorlarning diplomdan keyingi taʻlim olish dasturlariga tashhislash, tavsiflash va standartlarning yangi printsiplarini kiritish.
  • Yaqin va uzoq horij mamlakatlarining mutaxassislari bilan aloqa o‘rnatish.
  • Etakchi ilmiy va o‘quv markazlarida kafedra hodimlarining malakasini oshirish..
  • TVMOI kafedralari, RIIATEndokrinologiya Markazi va boshqa ilmiy-o‘quv muassasalari bilan integratsiyasi va hamkorligini oshirish.

                           

               


Endokrinologiya kafedrasi
Xaydarova Rovshanoy Turgunovna
t.f.n. (PhD),Assistent
Qabul kunlari: Har kuni 09:00 – 14:00
Telefon:  
E-mail:


Endokrinologiya kafedrasi:
Alimdjanov Nusrat Amildjanovich
t.f.n. (PhD), Assistent
Телефон: +99890 3581950

 


Endokrinologiya kafedrasi
F.I.SHDjuraeva Aziza Shaxzadyevna
t.f.n. (PhD),Assistent.
Qabul kunlari: Dushanba-Juma 14:00 – 17:00
Telefon:  93 3805505
E-mail:  aziza5505@gmail.com


Endokrinologiya kafedrasi
Alixanova Nodira Mirshavkatovna
t.f.n. (PhD),Assistent.
Qabul kunlari: Dushanba-Juma 14:00 – 17:00
Telefon:  90 9872008
E-mail:  nodi200468@mail.ru


Endokrinologiya kafedrasi:
Duschanova Nilufar Taxirovna
Stajor-o’qituvchi
Телефон: +99891 4217430
E-mail: ‘nilufar.haitbayeva@gmail.com’


Endokrinologiya kafedrasi:
Axrorov Kamil Ubaydullayevich
Stajor-o‘qituvchi
Телефон: +998909274290
E-mail: kamil.ahrorov@mail.ru

Эндокринология кафедраси. (база Республика Ихтисослаштирилган Илмий-Амалий Тиббий Эндокринология Маркази)

1) Манзил: Тошкент шаҳар, Мирзо Улугбек тумани, Мирзо Улугбек кӯчаси, 56 уй.
2) Электрон манзил: endokrinologiya@tipme.uz
3) Телефон: +99871 262 30 31
4) Факс:
5) Иш кунлари: Душанба – Шанба
6) Автобуслар:
14, 17, 63, 83, 96, 110, 129, 423, 541 – Академиклар бекати; марштутка 28, 137, 168.
7) Метро: Буюк Ипак Йули бекати
8) Мулжал: Губкин номидаги Россия Давлат нефть ва газ Университети ётокхонаси .