ToshVMOI Xotin-qizlar qo‘mitasi raisi:
Iskandarova Gulnoza Tulkinovna
Qabul kunlari: Dushanba – 14:00 – 16:00
Chorshanba – 14:00 – 16:00
Juma – 14:00 – 16:00
Telefon: (+99871) 268-34-60 && (+99890) 185-70-40
E-mail: gulnoza2874@mail.ru


       Iskandarova Gulnoza Tulkinovna, tibbiyot fanlari doktori, professor 1974 yilda Toshkent shahrida tavallud topganman.

1997 yilda II – Toshkent Davlat tibbiyot oliygohining sanitariya-gigiena fakultetini bitirdim.

1997-2002 yilda O‘zbekiston Respublikasi Fanlar Akademiyasi qoshidagi “Umumiy va neorganik kimyo” institutida kichik ilmiy hodim lavozimida ishladim.

2000 yilda «Yangi pestitsid XS-2 ning toksikologik baholash va  atrof-muhit obʻektlaridan gigienik jixatdan meʻyorlash» mavzusida  nomzodlik dissertatsiyasini yoqladim.

2002-2007 yilda O‘zbekiston Respublikasi Sog‘liqni Saqlash vazirligi qoshidagi sanitariya gigiena va kasb kasalliklar ilmiy tadqiqot institutida “Bolalar va o‘smirlar gigienasi” laboratoriyasida katta ilmiy hodim lavozimida ishladim.

2006 yilda «18-27 yoshli o‘smirlar organizmining jismoniy qobiliyati va morfofunktsional rivojlanishining o‘ziga xos tomonlari, qonuniyatlari va sog‘lomlashtirish chora-tadbirlari»mavzuida  doktorlik dissertatsiya ishini himoya qildim.

2007 yildan boshlab hozirgi kunga qadar Toshkent vrachlar malakasini oshirish institutining epidemiologiya kafedrasida professor lavozimida ishlab kelmoqdaman. 2017 yilda kafedra mudiri bo‘lib saylandim.

2017 yildan boshlab Toshkent vrachlar malakasini oshirish institutida Xotin-qizlar komitasi raisi bo‘lib ishlab kelmoqdaman.

2018 yildan boshlab Tibbiy profilaktika fakulteti dekani bo‘lib saylandim.

Chop etilgan 387-ta ilmiy ishlarning muallifiman. Shulardan: 6-monografiya, 150-maqola (70-ilmiy ishlar to‘plamida; 60-jurnallarda, ulardan 6-tasi chet ellarda chop etilgan). 12-O‘zR sanitariya meʻyorlari, qoida va gigienik normativlari, 2- Qurilish meʻyorlari (KMK), 50- uslubiy tavsiya va qo‘llanma; 15-o‘quv uslubiy qo‘llanma, 20-o‘quv dasturi va 4-ixtiroga mualliflik haqidagi maʻlumotnoma. Hozirgi kunda mening rahbarligimda 1-ta nomzodlik dissertatsiyasi ishi bajarildi va 1-ta doktorlik dissertatsiyasi ishi bajarildi.

Oilaliman, bitta farzandim bor.


Hurmatli Toshkent vrachlar malakasini

 oshirish institutining  aziz ayollari!

             2018 yil 2 fevraldagi O’zbekiston Respublikasi Prezidentining “Ayollarni qo’llab-quvvatlash va oila institutini mustahkamlash sohasidagi ishlarni tubdan yaxshilash chora-tadbirlari to’g’risida” gi PF-5325-sonli Farmoniga binoan hamda Jahon sog’liqni saqlash tashkiloti tomonidan oktyabr oyi «Ko’krak saratoni bilan kurashish» oyini e’lon qilganligi sababli, Toshkent vrachlar malakasini oshirish institutida xotin-qizlar salomatligini mustahkamlash va rivojlantirishga qaratilgan keng ko’lamli ishlar olib borilmoqda.

             Ko’krak bezi saratonini oldini olish maqsadida, Toshkent vrachlar malakasini oshirish instituti Xotin-qizlar qo’mitasi, Onkologiya kafedrasi bilan hamkorlikda, 2018 yil 12-17 noyabr kunlari institutimizning 40 yoshdan oshgan barcha ayollarini tibbiy ko’rikdan o’tkazish maqsadida “Ayollar salomatligi haftasi”ni o’tkazish rejalashtirgan. Shu munosabat bilan biz sizlarni profilaktik tekshiruvdan o’tishingizni so’raymiz: sut bezlarini ultratovush tekshiruvi va  mammografiya tekshiruvlarini o’tkazish amalga oshiriladi. Tashxis tekshiruvi bepul. Tibbiy ko’rik  ayollarimizning o’z xohishlariga ko’ra  o’tkaziladi.

             Manzil: Respublika ixtisoslashgan Onkologiya va radiologiya ilmiy-amaliy markazi Toshketa filiali, Toshkent vrachlar malakasini oshirish institutining Onkologiya kafedrasi.

 

Hurmat bilan ToshVMOI Xotin-qizlar qo’mitasi