ХАМРАБАЕВА ФЕРУЗА ИБРАГИМОВНА
Тиббиёт фанлари доктори, профессор
1962 йилда туғилган, ўзбек.
1979 йилда умумий ўрта таълим мактабини аъло баҳоларга тамомлаб, Тошкент Давлат Тиббиёт институтининг даволаш факултетига ўқишга кирган. 1986 йили, институтни тамомлаганидан кейин, «Ўзбекқишлоқмаш» ЦҚ да участка терапевт шифокори вазифасида, 1988 йилдан эса, Тошкент шаҳри Хамза тумани соғлиқни сақлаш бўлимининг №15 поликлиникасининг терапия бўлими мудири лавозимида ишлаган.
1989 йилдан 2005 йилгача, Ўзбекистон Республикаси Соғлиқни сақлаш вазирлиги Тиббий реабилитация ва Физиотерапия ИТИ Гастроентерология бўлимида, аввал кичик, кейинчалик катта илмий ходим лавозимларида ишлаган.
Сурункали панкреатит билан касалланган беморларнинг патогенетик давосини ишлаб чиқиш бўйича илмий тадқиқотларда иштирок этган, бу ишларнинг натижалари, 1994 йилда 14.00.34 – физиотерапия ихтисослиги бўйича тиббиёт фанлари номзоди илмий даражасини олиш учун муддатидан аввал якунланган “Сурункали панкреатит билан касалланган беморларни физиотерапия усуллар билан реабилитация қилиш тактикаси” мавзусидаги диссертация ишининг асосига кирган. Шунингдек, 2000-2002 йилларда ФТДҚнинг дастури бўйича бажарилган, ички аъзолари ва асаб тизими касалликлари бор беморларда, табиий ва преформацияланган жисмоний омилларни қўллаб даволашнинг янги реабилитацион усулларини ишлаб чиқиш ва такомиллаштириш бўйича “Холецистектомияни ўтказган холестатик гепатитли беморларни даволашнинг реабилитацион усулларини ишлаб чиқиш” илмий тадқиқот ишларида иштирок этган. Ишлаб чиқишлар бир қисмининг натижалари, 14.00.05 – ички касалликлар ихтисослиги бўйича тиббиёт фанлари доктори илмий даражасини олиш учун ёзилган “Ошқозон яраси касаллиги патогенезида вегетатив бузилишлар ва биокимёвий баланснинг роли ва даволашни оптималлаштириш йўллари” мавзусидаги докторлик диссертациясининг асосига кирди, ҳозирги вақтда, ФТДҚ нинг 2006-2008 йилларга мўлжалланган дастури бўйича К2.40.4.3 “Йўғон ичакнинг эрозив-ярали, яллиғланиш ва функционал касалликлари билан оғриган беморларни, ичакнинг иммун-яллиғланиш, гистокимёвий кўрсаткичлари ва микробиоценозини ҳисобга олган ҳолда реабилитация қилишнинг янги усулларини ишлаб чиқиш ва оптималлаштириш” лойиҳасининг раҳбари. Шунингдек, «Яллиғланган ичак синдромида (СРК) клиник-ендоскопик ва иммуноморфологик текширувлар (Патогенетик ва терапевтик томонлари)» мавзусидаги диссертация ишига раҳбарлик қилмоқда. Мутахассис сифатида, муаллифлик патентларида акс эттирилган сурункали иккиламчи панкреатит ва ошқозон яраси касаллигига чалинган беморларни дори воситаларисиз ва комбинацияланган даволашнинг ўзига хос усулларини яратган.
Ф.И.Хамрабаева томонидан 6 ўқув дастурлари, 80 дан ортиқ илмий ишлар, 12 услубий кўрсатмалар, 6 ахборот хатлари нашр этилган, 2 та ихтиро патентлари чоп этилган. Меҳнат фаолияти давомида, ўзини тарбияли, билимдон ва истиқболли илмий ходим сифатида намоён қилди. Ходимлар ва беморлар орасида катта ҳурматга сазовор.
МДҲ давлатлари ва чет элллардаги терапевтик ва гастроентерологик съездларнинг доимий тизимли иштирокчисидир.
Характерининг ҳусусиятлари: ҳақгўйлик, сотилмаслик, олижаноблик, меҳнаткашлик, инсофлилик.
Турмушга чиққан. Икки нафар фарзанди бор.
Қисқача иш фаолиятида эришган ютуқлари.
Илмий даражаси ва унвони: Тиббиёт фанлари номзоди илмий даражасини олиш учун диссертация ишининг мавзуси: «Сурункали панкреатит билан касалланган беморларни физиотерапия усуллар билан реабилитация қилиш тактикаси», 14.00.34 – «Физиотерапия» ихтисослиги бўйича (01№000879-1994 й.)
Тиббиёт фанлари доктори даражасини олиш учун диссертация ишининг мавзуси: «Ошқозон яраси касаллиги патогенезида вегетатив бузилишлар ва биокимёвий баланснинг роли ва даволашни оптималлаштириш йўллари», 14.00.05 – «Ички касалликлар» ихтисослиги бўйича, (04№003948-2005й.).
Илмий унвонлари: катта илмий ходим (02№ 000550-2005 й.), профессор (05№ 002618-2012 й.);
Илмий грантлардаги иштироки: Бир неча бор ФТДҚ лойиҳалари доирасидаги илмий ишланмаларга раҳбарлик қилган ва уларда иштирок этган: «Холецистектомияни ўтказган холестатик гепатитли беморларни даволашнинг реабилитацион усулларини ишлаб чиқиш» (К1 20.4.3.-2000-02йй.), «Йўғон ичакнинг эрозив-ярали, яллиғланиш ва функционал касалликлари билан оғриган беморларни, ичакнинг иммун-яллиғланиш, гистокимёвий кўрсаткичлари ва микробиоценозини ҳисобга олган ҳолда реабилитация қилишнинг янги усулларини ишлаб чиқиш ва оптималлаштириш» (К2.40.4.3.-2006-08йй), «Вегетатив дистония синдромли баъзи бир ошқозон, ўн икки бармоқли ичак ва ошқозон ости бези касалликларида, эрта ташҳислаш ва даволаш усулларини ишлаб чиқиш, такомиллаштириш ва оптималлаштириш» (ИЦС-30-6-2009-11йй.) ва «Физиотерапияни қўллаш билан, ўн икки бармоқли ичак, ошқозон ости бези ва ичак касалликларига чалинган беморларда тамаки чекишга тобеликни пасайтириш усулларини ишлаб чиқиш ва оптималлаштириш» (А10-СС-0-1399020 – 2012-14йй.).
Шахсий ҳиссаси: кафедрада, ошқозон-ичак тракти касалликларига тегишли принципиал янги йўналишни ташқил қилди ва кафедра қошида, кейинги морфологик текширувли мўлжалга олинган биопсия ўтказиладиган эндоскопия хонасини очди. МДҲ да илк марта, сурункали панкреатитни эрта аниқлашнинг индикатори бўлган нажас эластазасини синамаси (тест)ни йўлга қўйди. Ҳар йили республиканинг вилоятларига чиқиб, модератор сифатида овқатни ҳазм қилиш тизими касалликларига тегишли бўлган долзарб масалалар бўйича маслаҳат ёрдами ва мастер-синфлар ўтказади. Республика гастроентерологларининг миллий семинар-мактабларини ташкил қилиш ва ривожлантиришга салмоқли ҳисса қўшмоқда. Республика ССВ нинг бош физиотерапевти сифатида, Ўзбекистоннинг физиотерапевт – мутахассисларини тайёрлаш ва малакасини оширишга катта ҳисса қўшиб келмоқда.
Чет эл илмий тадбирларидаги иштироки: Ҳар йили, илмий маърузалар билан чет эл конгресслари ва симпозиумларида қатнашади (РФ (ҳар йили), Швеция (2012й.), Чехия (2013й.), Италия (2014й.), Испания (2014, 2015), Германия (2015й.), Буюк Британия (2016й.), БАА (2016й.), Венгрия (2017й.), РФ (2017й.), Испания (2017й.)
Ёш мутахассисларни тайёрлаш: 2006 йилдан буён 3 фан номзоди тайёрланган ва 4 та докторлик диссертацияси якунланмоқда.
Илмий ишлари, муаллифлик гувоҳномалари: 1 монография, 185 дан ортиқ илмий мақолалар ва тезислар, 29 та услубий кўрсатмалар, 6 ахборот хатлари, 45 дан ортиқ ўқув дастурларини чоп этган, 1 та ихтиро патентига эга.
Жамият ва ассоциацияларнинг ишидаги иштироки: Терапия факултетининг Илмий Кенгаши ва муаммолар комиссияси раиси, ТошВМО институти қошидаги Ихтисослашган кенгаш ва терапия бўйича малака тоифасини бериш бўйича аттестация комиссиясининг аъзоси. Шунингдек, бир қатор жамиятлар ва ассоциациялар: эвропанинг панкреатологлар эвропа клуби, Россия гастроентерология ассоциацияси, Ўзбекистон терапевтлари Ассоциацияси, Россия гастроентерологлари илмий жамиятининг аъзоси, шунингдек, бир қатор илмий тиббий нашрлар: Физиотерапия, балнеология и реабилитация журнали (РФ), Клиницист журнали (Арманистон), Гастроентерология и гепатология (Украина), Гастроентерология журнали (Тожикистон), Ўзбекистон тиббиёт журнали, Ўзбекистон терапия ахборотномаси, Халқ ва саломатлик журнали, Саломат бўлинг журналларининг муҳаррирлик коллегиялари ва муҳаррирлик кенгашлари аъзоси. ЎзР ССВ бош физиотерапевти.
2010 yildan fakultet dekani vazifasida Xamrabaeva Feruza Ibragimovna ishlab kelmoqda.
Tibbiyot fanlari doktori, professor, O’zR SSV bosh fizioterapevti, fakultet Ilmiy Kengashi raisi, terapiya bo’yicha attestatsiya komissiyasi, nevrologiya bo’yicha ixtisoslashgan kengashning ilmiy seminari, Rossiya gastroenterologlari assotsiatsiyasi va Evropa pankreatologlar assotsiatsiyalari a’zosi
Bugungi kunda, ToshVMO institutining terapiya fakultetida, faoliyatning uchta asosiy yo’nalishlari mavjud: ta’lim olish, ilmiy va davolash.
Fakultet kafedralarida 33 ta tibbiyot fanlari nomzodi, 21 professor – ulardan 13 tasi kafedra mudirlari, faoliyat yuritadilar.
Ta’lim berish faoliyati 12 kafedra tomonidan amalga oshiriladi, har yili fakultetda, Respublikamizning barcha hududlari va poytaxtimizdan 3500 dan ortiq tinglovchilar malaka oshirish ixtisosligi va sikllarini o’tadilar; har yili klinik ordinatura (150) va doktoranturaga (8-10) qabul amalga oshiriladi.
- Kafedralardagi mashg’ulotlar, zamonaviy masofadan o’qitish tizimini qo’llagan holdagi eng yangi texnologiyalar yordamida olib boriladi.
O’quv jarayoni shaharning ixtisoslashgan davolash muassasalari, ilmiy-tadqiqot institutlari, dispanserlari va poliklinikalarida amalga oshiriladi. Bugungi kunda, terapiya fakultetining asosiy klinik bo’linmalari bo’lib, quyidagilar hisoblanadi:
-
- 1Respublika klinik shifoxonasi
- 6 Klinik shifoxona
- Respublika ixtisoslashtirilgan kardiologiya ilmiy-amaliy markazi
- Respublika ixtisoslashtirilgan terapiya va tibbiy reabilitatsiya ilmiy-amaliy markazi
- Respublika ixtisoslashtirilgan ftiziatriya va pulmonologiya ilmiy-amaliy markazi
- Respublika ixtisoslashtirilgan endokrinologiya ilmiy-amaliy markazi
- Respublika ixtisoslashtirilgan dermatologiya va venerologiya ilmiy-amaliy markazi
- Neyrojarrohlik markazi
- Gematologiya va transfuziologiya ITI
- Toshkent viloyati markaziy shifoxonasi
- 1-chi klinik ruhiy kasalliklar shifoxonasi
- Kafedralar o’quv jarayonida, ta’lim berishni jadallashtirish va tibbiyot ilmining eng yangi yutuqlarini targ’ibot qilishga yo’naltirilgan ta’lim berishning ilg’or shakllaridan foydalanadilar. Tinglovchilar bilimi nazoratining turli shakllari qo’llaniladi, bu bo’yicha, so’nggi yillarda asosiy o’rinni kompyuter nazorati egallagan. Klinik ordinatorlar va internlarni tayyorlash faollashdi. Har yili fakultet kafedralaridan 150 dan ortiq klinik ordinatorlar chiqadi tayyor bo’lib chiqadilar.
ilmiy faoliyat, ixtisoslashgan ilmiy-amaliy markazlar va ITI lar negizida olib boriladi. Hozirgi vaqtda, terapiya fakultetining kafedralarida 10 dan ortiq doktorantlar va 18 mustaqil tadqiqotchilar o’z ilmiy ishlarini olib bormoqdalar. Joriy yilda 4 ta doktorlik dissertatsiyasi himoya qilindi.
- Hozirgi vaqtga 6 ta dissertatsiya ishlari himoyaga tayyorlandi.
Kafedralar jadal ilmiy-tadqiqot ishini olib boradilar. So’nggi yillarda, bir nechta kafedra, laboratoriya, ilmiy muassasalarning kompleks ilmiy ishlari keng tayyorlanmoqda.
Avvalgi yillarga nisbatan, grantlarning soni oshdi, fakultet kafedralarining xodimlari tizimli ravishda, grant bo’yicha ilmiy loyihalarning bajaruvchilari bo’lmoqdalar.
Har yili doktorlik dissertatsiyalari himoya qilinmoqda.
Kafedralar, xalqaro faoliyat bilan faol shug’ullanmoqdalar. CHet el firmalari bilan hamkorlik bo’yicha 10 ga yaqin shartnomalar tuzilgan. Kafedralarning 20 ga yaqin xodimlari, menejment va o’zlarining ixtisosliklari bo’yicha tayyorgarlikni chet elda o’tib kelishgan.
Kafedralarning professor-o’qituvchilar tarkibi, doimiy ravishda, bazaviy davolash muassasalari shifokorlariga maslahat va tashkilotchilik yordamini ko’rsatadilar. Nevrologiya, dermatovenerologiya, fiziterapiya, ftiziatriya, pulmonogologiya kafedralarining mudirlari va professorlari, Respublika Sog’liqni saqlash vazirligining bosh mutaxassislari bo’lib hisoblanadilar.
- davolash faoliyati, kafedralarning bazasi hisoblangan ixtisoslashtirilgan ilmiy-amaliy tibbiyot markazlari, shifoxonalar, poliklinikalar va sihatgohlar tomonidan amalga oshiriladi, u erlarda professor-o’qituvchilar tarkibi, bemorlarni kuzatib boradilar va maslahatlar beradilar, bemorlarning ko’rigini o’tkazadilar, konsiliumlarda ishtirok etadilar va aholiga yuqori malakali professional tibbiy yordamni ko’rsatadilar.
- Kafedra professorlari, har oyda, sanitar aviatsiya liniyasi bo’yicha maslahatlarni amalga oshiradilar.
Fakultetning asosiy vazifalari, ToshVMO institutining masalalari bilan belgilangan:
- ilmiy-o’qituvchi lavozimlari uchun kadrlar va zahirani tanlash hamda tayyorlash;
- kafedralardagi o’quv jarayonini takomillashtirish;
- ilmiy tadqiqotlarning sifati va samaradorligini oshirish;
- baza shifoxonalaridagi davolash-tashhislash jarayonini takomillashtirish;
- xalqaro hamkorlikni faollashtirish;
fakultet kafedralarining xo’jalik faoliyatini rivojlantirish.
Et et consectetur ipsum labore excepteur est proident excepteur ad velit occaecat qui minim occaecat veniam. Fugiat veniam incididunt anim aliqua enim pariatur veniam sunt est aute sit dolor anim. Velit non irure adipisicing aliqua ullamco irure incididunt irure non esse consectetur nostrud minim non minim occaecat. Amet duis do nisi duis veniam non est eiusmod tempor incididunt tempor dolor ipsum in qui sit. Exercitation mollit sit culpa nisi culpa non adipisicing reprehenderit do dolore. Duis reprehenderit occaecat anim ullamco ad duis occaecat ex.
