Билдиришнома

Кафедранинг иш режасига биноан худудий соғлиқни сақлашни бошқарув органлари билан хамкорликни мустаҳқамлаш ва янги ўқув йилига фаолият йўналишларини аниқлаштириш мақсадида 2022 йил 25 июнь куни қуйидаги кун тартиби бўйича 100 нафар худудий соғлиқни сақлаш тизими вакиллари, даволаш-профилактика муассасалари раҳбарлари, жумладан 10 та худуд соғлиқни сақлашни бошқарув органлари раҳбарлари  иштирокида видеомулоқот кўринишидаги тахлилий кенгаш ўтказилди.

Кун тартиби:

1. Ўзбекистон Республикаси Президентининг 2022 йил 24 мартдаги Ф-33 Фармойиши билан дипломдан кейинги узлуксиз касбий таълимни такомиллаштириш бўйича белгилаб берилган вазифалар.
2. 2022/2023 ўқув йилида “Соғлиқни сақлашни бошқариш ва жамоат соғлиғини сақлаш” мутахассислиги бўйича ихтисослаштириш, қайта тайёрлаш ва узлуксиз касбий таълимни ислоҳотларига монанд ҳамда худудлар эхтиёжларини инобатга олган холда юқори самара билан ташкиллаштириш.

Иштирокчилар таркиби:

1. Қорақалпоғистон Республикаси соғлиқни сақлаш вазири, вилоятлар соғлиқни сақлаш бошқармалари бошлиқлари, Тошкент шаҳар соғлиқни сақлаш бош бошқармаси бошлиғи.
2. Республика ихтисослаштирилган илмий-амалий марказлари, республика даволаш-профилактика муассасалари раҳбарлари ва кадрлар бўйича бош мутахассислари.
3. Қорақалпоғистон Республикаси соғлиқни саклаш вазирининг, вилоятлар соғлиқни саклаш бошқармалари бошлиқларининг, Тошкент шаҳар соғлиқни сақлаш бош бошқармаси бошлиғининг биринчи ўринбосарлари.
4. Қорақалпоғистон Республикаси соғлиқни саклаш вазирлиги, вилоятлар соғлиқни сақлаш бошқармалари, Тошкент шаҳар соғлиқни сақлаш бош бошқармасининг кадрлар бўйича бош мутахассислари.
5. Худудий ихтисослаштирилган хизмат кўрсатувчи даволаш-профилактика муассасаларининг раҳбарлари.

6.Мавзуга алоқадор бўлган ўзга мутахассислар.

Видеомулоқотда давомида 2021/2022 йил ўқув йили давомида бажарилган иш хажми, худудлар хамкорлик натижалар, худудлар вакилларининг Соғлиқни сақлаш вазирлигининг тегишли меёрий хужжатлари асосида ўтказилган циклларда иштироки бўйича презентация кўринишида маълумот берилди. Раҳбар ходимларнинг ўтказилнан циклларда иштироки даражаси асосида шакллантирилган худудлар рейтингида энг юқори кўрсаткичларга Самарқанд, Андижон, Фарғона вилоятлари   ва энг паст кўрсаткичларга Сирдарё вилояти, Тошкент шаҳри ва республика даражасидаги муассасалар эга бўлишгани кўрсатиб берилди.

Ўзбекистон Республикаси Президентининг 2022 йил 24 мартдаги Ф-33 Фармойиши ижросини таъминлаш мақсадида тиббиёт соҳаси раҳбар кадрлари захирасини шакллантириш, қайта тайёрлаш ва малакасини ошириш тизимини ўзгартириш бўйича таклифлар тақдим этилди. Жумладан, 40 кредитлик Соғлиқни сақлаш тизимидаги ислоҳотларга оид давлат ҳокимияти олий органлари ва Соғлиқни саклаш вазирлигининг ҳуқуқий-меъёрий ҳужжатлари шарҳи бўйича махсус цикл; соғлиқни сақлашни бошқариш органлари, даволаш-профилактика муассасалари раҳбар ходимлари учун махсус Online Maktab  каналини жорий этиш; интеграцион умумий малака ошириш  ҳамда мавзуий малака ошириш циклларини ташкиллаштириш механизмлари; раҳбар лавозимга янги тайинланган мутахассисларни тизимли равишда бошқарув асослари бўйича ўқитиш механизми бўйича таклифлар тақдим этилди.

Кун тартибининг иккинчи масаласи бўйича кафедра томонидан 2022/2023 ўқув йилига режалаштирилган ихтисослаштириш, қайта тайёрлаш ва узлуксиз касбий таълим цикллари бўйича маълумот тақдим этилди.

Кун тартибидаги масалалар бўйича ўтказилган тахлилда худудий соғлиқни сақлашни бошқарув органлари раҳбарлари томонидан бир қатор таклифлар киритилди.

Юқори амалий самара берган “Бошқарувчилар мактаби” тизимини қайта тиклаш; алоҳида меёрий хужжатлар ижроси, фаолият йўналишлари бўйича амалий натижаларни инобатга олган холда бошқарувчилар учун махсус мавзуий малака ошириш циклларини худудлар мисолида ва худудларда ўтказиш таклифлари шулар жумласидан.

Видеомулоқот бўйича тайёрланган маълумотлар бошқарувчиларнинг, худудий соғлиқни сақлашни бошқарув органлари кадрлар бўйича мутахассисларининг Telegram гуруҳларига ўтказиб берилди.

Худудий соғлиқни сақлашни бошқарув органлари 2022 йил 30 июнига кун тартибидаги масалалар бўйича таклифларини ёзма равишда тақдим этишларини маълум қилдилар.