TIBBIYOT XODIMLARINING KASBIY MALAKASINI RIVOJLANTIRISH MARKAZI
“Tinchlik va sog‘liq – bu har bir inson, butun xalqimiz uchun hech narsa bilan o‘lchab, baholab bo‘lmaydigan buyuk ne’matdir”
Sh.M.Mirziyoyev
Tibbiyot xodimlarining kasbiy malakasini rivojlantirish markazi (TXKMRM) O‘zbekiston Respublikasi Sog‘liqni saqlash vazirligining tibbiyot xodimlarining malakasini oshirish va qayta tayyorlash sohasida yetakchi ilmiy-o‘quv-uslubiy markazi hisoblanadi.
Tarixiy ma’lumotlarning guvohlik berishicha, O‘zbekiston Respublikasi o‘z faoliyatining birinchi qadamlaridan boshlab, iqtisodiy masalalar bilan birga xalq salomatligini saqlash va kasalliklarni kamaytirishga qaratilgan ishlarni amalga oshira boshladi. Respublika xalq komissarlari Kengashining maxsus qarorida “Aholining salomatligi, uning yuksak jismoniy va madaniy kuchlarining muhim garovidir. Tibbiy yordam o‘zining butun ilmiy yutuqlari bilan har bir kishi uchun xizmat qilishi kerak. Faqat shaharlargagina emas, balki qishloq joylarga ham yetib borishi zarur” deyilgan edi.
1926 yil may oyida Xukumat qarorini hayotga tadbiq etish maqsadida sog‘liqni saqlash xalq komissarligi, viloyat sog‘liqni saqlash bo‘limlari xodimlarini s’ezdini chaqirdi. Unda sog‘liqni saqlashning dolzarb masalalari: bezgak kasalliklariga qarshi kurash uchun respublika sanitariya tashkilotlari faoliyatini takomillashtirish, hamda epidemiologik kasalliklar profilaktikasi masalalari ko‘rib chiqildi.
O‘sha paytgacha mavjud bo‘lgan Moskva, Leningrad va Qozon shahridagi shifokorlarning malakasini oshirish institutlariga kam sonli shifokorlar yuborilgan. Har bir o‘qish muddati 15-30 kun davom etgan. Eng muhimi u yerda kasalliklarning xududiy xususiyatlari o‘rganilmagan. O‘rta Osiyo respublikalari shifokorlarining malakasini oshirishga bo‘lgan ehtiyoji ortib borishi tufayli respublikaning o‘zida vrachlar malakasini oshirishni tashkil qilish dolzarb va maqsadga muvofiq deb topilgan.
O‘tgan asrning 1930-yillari boshlarida nafaqat O‘zbekistonda, balki butun O‘rta Osiyoda shifokorlar malakasini oshirish (takomillashtirish) va oliy o‘quv yurtidan keyingi ta’lim tuzilmasini tashkil etish zarurati tug‘ildi. Buning natijasida Markaziy Osiyo shifokorlar malakasini oshirirish instituti tashkil etildi.
O‘rta Osiyo Ijroiya Qo‘mitasi Prezidiumining 1932 yil 22 iyundagi 459-son buyrug‘iga asosan O‘rta Osiyo vrachlar malakasini oshirish instituti (keyinchalik Toshkent vrachlar malakasini oshirish instituti, hozirda Tibbiyot xodimlarining kasbiy malakasini rivojlantirish markazi) tashkil etilgan.
Ta’limning birinchi yilida ya’ni boshlang‘ich davrida, kafedralarning faoliyatini shakllantirish va moddiy texnik bazasini yaratish, o‘quv va ilmiy ishlarni rejalashtirish va tashkillashtirish uchun barcha imkoniyatlar ishga solindi.
1933 yilda diplomdan so‘nggi tayyorlashni mavjud bo‘lgan 6 ta kafedrada boshladi. Shu yili institutda birinchi bo‘lib 84 nafar shifokor-tinglovchi kerakli mutaxassislik bo‘yicha malaka oshirdi. Yil sayin yangi kafedralar ochilib, tinglovchilar soni ortib bordi.
1933 yildan to 1940 yilgacha institutida 1.330 nafar shifokor o‘z malakasini oshirdi.
1936 yilda Institutning fundamental kutubxonasi tashkil topgan bo‘lib, ilmiy, o‘quv tarbiyaviy va axborot-resurs manbai hisoblanadi. U barcha tinglovchi shifokorlar va ilmiy xodimlarni zaruriy kitoblar, xorijiy va mumtoz tibbiyot adabiyotlari bilan ta’minlaydi. Hozirgi kunda kutubxonadagi ilmiy, o‘quv darsliklari, ijtimoiy-siyosiy va badiiy kitoblar zahirasi 140 000 nusxadan ortadi.
1941 -1945 yillarda institut jamoasi o‘z faoliyatini davr talabini ado etishga qaratdi. Tibbiyot xodimlarini tayyorlash 5,5 marotabaga ko‘paydi. Front va evokogospitallar ehtiyoji uchun 4585 nafar shifokor tayyorlandi. Shu bilan birga institut xodimlaridan 24 nafari bevosita Ulug‘ Vatan urushi qatnashchilari hisoblanadi.
II Jahon Urushi qatnashchilari va mehnat faxriylari
Institut uchun urushdan keyinggi davr bir muncha yo‘qotishlarga qaramasdan, ilmiy-texnik jihatdan yuksalishga imkon berdi. Birin-ketin yangi fakultetlar tashkil qilindi, 5 ta kafedra joriy qilinib, yangi mutaxassisliklar bo‘yicha malaka oshirish yo‘lga qo‘yildi. Markazdan institut uchun yangi bino qurishga ruhsat olinib uning poydevorini qurdirildi.
95 yil ichida ToshVMOI zimmamizga tushgan ulkan, tarixiy missiyani muvaffaqiyatli ado etish, jonajon Vatanimizni yanada taraqqiy ettirishga qaratilgan og‘ir va mashaqqatli, shu bilan birga, g‘oyat sharafli intilishlarimiz ulkan amaliy harakat va natijalarga aylanib bormoqda desak mubolag‘a bo‘lmaydi. 95 yil davomida diplomdan so‘nggi yuqori malakali mutaxassislarni tayyorlashda ToshVMOI yetakchi oliy o‘quv va ilmiy dargoh sifatida tan olinib, 1982 yil 19 avgustda «Mehnat Qizil Bayroq» ordeni bilan mukofotlangan.
«O‘zbekiston milliy ensiklopediyasi»da bu ilm maskani haqida shunday satrlar bor: «Institut Jahon Sog‘liqni saqlash tashkilotining oliy tibbiy mutaxassislar tayyorlaydigan bazasi hisoblanadi».
1960 yili - 1024 shifokor, 1965 yili – 2211 shifokor, 1975 yili – 3031 shifokor va 1981 yili 5000 shifokor tayyorlandi.
Institut tashkil etilgan 1932 yildan to 2017 yilga qadar 11 kishi rektorlik lavozimida faoliyat yuritgan:
- 1932-1938 ─ Moisey Ilich Slonim
- 1938–1941 ─ Igron Samuil Markovich
- 1942–1945 ─ Vidutskiy Moisey Yakovlevich
- 1946–1953 ─ Jo‘ra Saidovich Po‘latov
- 1953–1957 ─ Mahamat Bobojonovich Sultonov
- 1957–1960 ─ Ziyad Aminovich Dolimov
- 1960–1963 ─ Mannap Atamatovich Mirzamuhamedov
- 1963–1979 ─ Hamidulla Husanovich Husanov
- 1979–1984 ─ Qayum Sobirovich Zoirov
- 1984–1997 ─ Abdumannon Rahmanovich Rahimjonov
- 1997–2017 ─ Jo‘raboy Ma’rifboyevich Sobirov
- 2017 – hozirgi kunga qadar – Akilo Xabibulla Ataullayevich
Institut xodimlari zamon bilan hamnafas bo‘lib, amaliy sog‘liqni saqlash talablariga sezgir munosabatda bo‘lgan holda tibbiyot kadrlarini aspiranturadan keyingi ta’limning turli bosqichlarida ilgari surilgan muammolarni tez va sifatli hal etib, shifokorlar malakasini takomillashtirish bo‘yicha boshqa institutlarning tajribasini o‘rganib, umumlashtiradi. Agar institut faoliyatining dastlabki yillarida rus maktabining olim-o‘qituvchilari ustunlik qilgan bo‘lsa, keyinchalik ularning safi mahalliy kadrlar bilan to‘ldirila boshlandi.
1963 yili Zoirov Qayum Sobirovichning tashabbusi bilan institutda Umumiy gigiyena kafedrasi tashkil topdi.
1977 yil 18 avgustida 796 sonli (Ob organizatsii kafedri pulmonologii v TashIUV) buyruq asosida Toshkent vrachlar malakasini oshirish institutida “Klinik pulmonologiya” kafedrasi tashkil etildi.
1989 yilda Sobirov Djo’raboy Marifbayevich tashabbusi bilan “Shoshilinch va tez tibbiy yordam” kafedrasi tashkil etildi va ushbu kafedraga uning o‘zi rahbarlik qildi.
1992 yilda esa anestiziologiya va reanimatsiya hamda shoshilinch va tez tibbiy yordam kafedrasi birlashtirildi.
1991 yilda Mehmonxona tipidagi “Shifokor” yotoqxonasi binosi qurib foydalanishga topshirilgan. Binoning loyixa bo‘yicha sig‘imi talabaga mo‘ljallangan bo‘lib, hozirgi kunda 703 o‘rindan foydalanilmoqda. Yotoqxonaning foydalanish maydoni 12877m.2.ni tashkil qiladi
Yotoqxona namunaviy normalarga muvofiq yashash, shug‘ullanish va dam olish (hordiq) uchun zarur bo‘lgan asbob-uskunalar, xo‘jalik ob’ektlari bilan jihozlangan.
1997 yil apreldan Sobirov Djo’raboy Marifbayevich ToshVMOI rektori etib tayinlandi, uning tashabbusi bilan har yili respublikamizning yetakchi mutaxassislari hamda yaqin va uzoq xorijdan kelgan olimlar bilan hamkorlikda ilmiy-amaliy anjumanlar, seminarlar o‘tkazib, yangi yaratilgan texnologiyalar, dori vositalari amaliy tibbiyotga joriy etildi.
2017 yil mart oyidan boshlab Akilov Xabibulla Ataullayevich o‘n ikkinchi rektor lavozimida hozirgi kunga qadar faoliyta yuritib kelmoqda.
2003 -2017 yillar mobaynida Akilov Xabibulla Ataullayevich - tibbiyot fanlari doktori, professor ToshVMOI o‘quv ishlar bo‘yicha prorektori vazifasida ishladi. O‘sha yildan hozirgacha Xirurgiya va bolalar xirurgiyasi kafedrasi mudiri lavozimida faoliyat ko‘rsatib kelmoqda.
O‘zbekistan Respublikasi Prezidentining 2020 yil 7 apreldagi “Tibbiy-sanitariya soxasida kadrlarni tayyorlash va uzluksiz kasbiy rivojlantirishning mutlaqo yangi tizimini joriy etish chora-tadbirlari to‘g‘risida”gi PQ-4666-sonli Qarori bilan Toshkent vrachlar malakasini oshirish institutini “Tibbiyot xodimlarining kasbiy malakasini rivojlantirish markazi” etib qayta tashkil etildi.
Tibbiyot xodimlarining kasbiy malakasini rivojlantirish markazining Ko‘p tarmoqli klinikasi O‘zbekiston Respublikasi Prezidentining “Tibbiy - sanitariya sohasida kadrlarni tayyorlash va o’zluksiz kasbiy rivojlantirishning mutlaqo yangi tizimini joriy etish chora-tadbirlari to‘g‘risida” 2020 yil 7 apreldagi PQ-4666-son qaroriga muvofiq Toshkent shahridagi 1-son Respublika klinik shifoxonasi negizida tashkil etilgan bo‘lib, Markazning tarkibiy tuzilmasi va klinik fanlarni o‘qitish uchun asosiy baza hisoblanadi. Shuningdek, kafedra xodimlari bilan birgalikda o‘quv jarayonini tashkil etish, aholiga ixtisoslashtirilgan xizmat ko‘rsatish, tibbiyot sohasida ilmiy-tekshiruv izlanishlarini olib borishda faol ishtirok etadi.
O‘z vatanini, ona xalqini ravnaq toptirish uchun o‘zini ayamasdan mehnat qilish: bu – jasorat va mardlik, bu – ona yurtga muhabbat va sadoqat, bu – to‘g‘ri tarbiya va amaliy namuna demakdir. O‘z kasbiga sadoqatli, ustozlari ishini davom ettirib, ko‘plab munosib shogirdlar tayyorlab, maktab yaratgan ustoz darajasiga ko‘tarilgan zabardast olimlar O’zbekiston Qahramoni, professor, X.M.Kamilov, akademik A.M.Ubaydullayev, akademik F.G.Nazirov, akademik S.M.Bahromov, akademik E.I.Musabayev, akademik X.A.Akilov, professor A.I.Ikramov, professor D.M.Sabirov, professor D.A.Asadov, professor B.G.Gafurov, professor A.A.Fazilov, professor U.K.Kayumov, professor F.S.Shamsiyevlar yoshlarga tibbiyot va hayot maktablaridan o‘rnak bo‘lib kelmoqdalar.
Shu bilan birga M.S.Kasimova, U.F.Nasirova, S.R.Matkarimov, F.I.Xamrabayeva, B.A.Magrupov, S.S.Kariyev, G.T.Iskandarova, Sh.X.Saidazizova, A.M.Xadjibayev, D.A.Zareddinov, A.N.Aripov, A.A.Gaybullayev, A.A.Abdukadirov, Sh.Sh.Shamansurov, M.E.Irismetov, M.A.Gafur-Axunov, E.Dj.Isxakov, G.Sh.Xamrayeva, A.Yu.Ibragimov, F.D.Karimova, M.M.Asatova, L.A.Tursunxodjayeva, E.M.Mirdjo‘rayev, N.N.Ubaydullayeva, Sh.B.Irgashev, I.R.Mavlyanov, M.N.Nuritdinov, M.G.Muxamedova, S.A.Gaffarov, Ya.M.Mamadaliyeva, G.N.Raximova, G.M.Tuleboyeva, Q.X.Yuldashev, I.M.Axmedova, A.S.Alimov, R.N.Akalayev, Sh.M.Kariyev, U.X.Alimov, D.Z.Muxtarov, O.A.Aripov, R.K.Salixodjayeva, N.N.Normurodova, E.E.Ergashevlarni fahr bilan tilga olamiz va ularga ta’zim qilamiz.
Akilov Xabibulla Ataullaevich, O‘zbekiston Respublikasi Tibbiyot xodimlarining kasbiy malakasini rivojlantirish markazi direktori, Qirg‘izistonning Osh davlat universiteti tomonidan “Faxriy professor” unvoni bilan taqdirlandi. Tibbiyot fanlari doktori, professor, O‘zbekiston Respublikasi Turon fanlar akademiyasi akademigi, Xabibulla Ataullaevich Akilov — Tibbiyot xodimlarining malakasini oshirish markazi (ToshVMOI) direktori, Rossiya sog‘liqni saqlash vazirligiga qarashli Rossiya doimiy tibbiy ta’lim akademiyasi tomonidan "Faxriy professor" unvoni bilan taqdirlandi. Professor Xabibulla Ataullaevich shuningdek, “Fidokorona xizmatlari uchun” ordeni, O‘zbekiston Sog‘liqni saqlash a’lochisi, “O‘zbekiston Mustaqilligining 10 yilligi”, “O‘zbekiston Mustaqilligining 20 yilligi”, “O‘zbekiston Mustaqilligining 25 yilligi”, ko‘krak nishonlariga ega va Ukrainaning Georgiy “Shon - Shuhrat Mehnat” medali sohibi.
O’zbekiston Respublikasi Mustaqilligining 33 yilligi oldidan Markaz “Tibbiy radiologiya” kafedrasi mudiri, professor Ikramov Adxam Ilxamovich — “Xalqimizning intellektual va ma’naviy salohiyatini yuksaltirish, ta’lim, sog‘liqni saqlash, adabiyot, madaniyat va san’at sohalari hamda ommaviy axborot vositalarini rivojlantirish borasida erishayotgan yuksak natijalari, yurtimiz taraqqiyotini ta’minlash, jamiyatda tinchlik va totuvlik, ijtimoiy barqarorlikni mustahkamlash, yosh avlodni ezgu g‘oyalar ruhida sog‘lom va barkamol etib tarbiyalashga qo‘shgan katta hissasi, shuningdek, jamoat ishlaridagi faolligi uchun” “O‘zbekiston Respublikasida xizmat ko‘rsatgan sog‘liqni saqlash xodimi” faxriy unvoni bilan taqdirlanganligi Markazimiz uchun katta e’tirof.
Tibbiyot xodimlarining kasbiy malakasini rivojlantirish markazi “Menejment, ijtimoiy va birlamchi sog’liqni saqlash” fakulteti “Preventiv tibbiyot – valeologiya asoslari” kafedrasi professori Irgashev Shuhrat Boisovich “Mehnat shuhrati” ordeni bilan mukofotlandi. Shuhrat Boisovichning ushbu mukofoti uning sog‘liqni saqlash sohasidagi yuksak malakasi, o‘qituvchilik va ilmiy faoliyati, shuningdek, tibbiyot xodimlarini tayyorlash va ularning professional rivojlanishiga qo‘shgan ulkan hissasini e’tirof etadi. Shuningdek, Markaz “Terapiya” fakulteti dekani, “Gastroenterologiya” kafedrasi mudiri, professor Xamrabayeva Feruza Ibragimovna “O‘zbekistonda tibbiy turizmni rivojlantirishda qo‘shgan hissasi uchun” ko‘krak nishoni bilan taqdirlandi. Bu mukofot uning sog‘liqni saqlash sohasidagi faoliyati va mamlakatimizda tibbiy turizmni rivojlantirishga qo‘shgan ulkan hissasini e’tirof etadi.
Mustaqillik yillarida markaz xodimlari orasida 100 dan ortiq mukofotlanganlar orasida «O‘zbekiston Qahramoni», «Oltin Yulduz» medali sohibi - «Oftalmologiya» kafedrasining mudiri, tibbiyot fanlari doktori professor Xolidjon Maxamadjonovich Komilov faoliyat yuritayotganini faxr bilan ma’lum qilamiz. Shu bilan birga Markaz xodimlari orasida 1 nafardan «Fidokorona hizmatlari uchun», «El-yurt hizmatlari uchun» ordenlari sohiblari, «Mehnat shuhrati» ordeni sohiblari – 4 nafar, «Mehr-sahovat» ko‘krak nishoni sohiblari – 27 nafar, «O‘zbekiston Respublikasida xizmat ko‘rsatgan sog‘liqni saqlash xodimi» faxriy unvoni sohiblari – 2 nafar, «O‘zbekiston Respublikasi Mustaqillikning 30 yilligi» esdalik nishoni – 50 nafar, «Yil ayoli», «Mo‘tabar ayol» nominatsiyalari sohibalari – 1 nafardan, 40 ga yaqin «O‘zbekiston Republikasi Sog‘liqni saqlash a’lochisi» ko‘krak nishoni soxiblari faoliyat yuritishayotgani bilan fahrlanamiz.
Mazkur mukofotlar va e’tiroflar nafaqat shaxslar, balki Markazimizning butun jamoasi uchun katta g‘urur va rag‘bat manbai bo‘lib, sog‘liqni saqlash tizimida sifatni oshirish va xalqimizga yanada yuqori darajada xizmat ko‘rsatishga bo‘lgan intilishimizni yanada mustahkamlaydi.
Bugungi kunda Markazda 5 ta xududiy filiallar (Navoiy, Namangan, Qashqadaryo, Sirdaryo va Jizzax viloyatlarida), 5 ta fakultet («Tibbiy-profilaktika», «Terapiya», «Xirurgiya», «Pediatriya», «Menedjment, jamoat salomatligi va sog‘liqni saqlashni boshqarish» «Klinik ordinatura dekanati»): 54 ta kafedra, 4 ta kurs mavjud.
Shifokor kadrlarning diplomdan keyingi asosiy tayyorgarliklaridan biri–tibbiyot xodimlarining malakasini oshirish va professionallik darajasini yuksaltirishning oliy shakli bo‘lgan – klinik ordinatura O‘zbekistonning mustaqillik yillarida ko‘p darajali uzluksiz ta’lim tizimining eng muhim qismlaridan biriga aylandi. Shu ma’noda 2007 yili institutda klinik ordinatura dekanati tashkil etildi.
Bugungi kunda Markaz o‘z faoliyatida klinik ordinatura masalalari bo‘yicha O‘zbekiston Respublikasi Qonunlariga, Prezident Farmonlari, qaror va farmoyishlariga, Vazirlar Mahkamasining qarorlari, Oliy ta’lim vazirligi va Sog‘liqni saqlash vazirligi buyruqlariga asoslanadi. Klinik ordinatura faoliyatining asosiy yo‘nalishlari o‘quv-uslubiy, ilmiy-tadqiqot, davolash-profilaktika va ma’naviy-ma’rifiy ishlarni olib borishdir. So‘nggi 15 yil davomida ikki yillik klinik ordinaturani 4 000 ortiq yosh mutaxassislar bitirdi.
2008-yilda Epidemiologiya kafedrasida “OIV/OITS muammolari” kursi tashkil etildi. Kurs raxbari tibbiyot fanlari doktori, dots.nt K.Yu. Yuldashev. Kafedra bazasi Respublika OITSga qarshi kurash Markazi klinikasi hisoblanadi.
2015-yilda Akademik V.Vohidov nomidagi RSHTTYOMda “Xirurgiya-1” kafedrasi tashkil etildi. Kafedra mudiri akademik F.G. Nazirov.
2015-yilda “Klinik farmakologiya” kafedrasi mudiri tomonidan tashkil etilgan. Kafedra professori I.R.Mavlyanov 3-TTA klinikasida joylashgan.
2017-yilda Menejment, ijtimoiy va birlamchi sog‘liqni saqlash fakulteti tashkil etildi.
2017-yilda “Oliy ma’lumotli hamshiralar” kafedrasi tashkil etildi. Kafedra mudiri dotsenti R.K. Salixodjayeva.
2017-yilda “Innovatsion texnologiyalar uchun tibbiy asbob-uskunalar va muhandislik xodimlari” kafedrasi mudiri tomonidan tashkil etilgan. Kafedra dotsenti B.T. G‘ulomov
2018-yilda “Tibbiy-ijtimoiy ekspertiza kursi bilan neyroxirurgiya” kafedrasi tashkil etildi. Kafedra mudiri professor Sh.M.Kariyev.
Markazda 435 nafar xodim ishlaydi: ulardan 4 nafari akademik, 153 nafari fan doktori, professorlar 166 nafari fan nomzodi, dotsentlar, ilmiy salohiyat 77,1%.
Masofadan o‘qitishning turli tashkiliy-texnik variantlari qo‘llaniladi: maxsus saytlar - Moodle platformasi, tele-videokonferetsiya yoki seminar ko‘rinishida olib boriladi.
Tibbiyot xodimlarining kasbiy malakasini oshirish markazining rasmiy veb sayti mavjud: tipme.uz. Markazda bulutli “xujjatlar elektron bazasi”, “elektron dekanat", “o‘quv jarayonini nazorat qilish platformasi”, “onlayn test” kabi elektron platformalar shakllantirilgan. 2006 yilda kitoblarning elektron nusxalaridan tashkil topgan zamonaviy virtual kutubxona yaratilgan bo’lib, bugungi kunda elektron kutubxona resurslariga erkin kirish imkoniyatilari mavjud.
2020 yilda Markaz Simulyatsiya texnologiyalarini joriy etish boʻyicha ilk qadam qoʻyilgan. O‘zbekiston Respublikasi Prezidentining “Oliy ta’limni yanada rivojlantirish chora-tadbirlari to‘g‘risida”gi shuningdek “Tibbiyot va farmatsevtika ta’limi va fan tizimini yanada rivojlantirish chora-tadbirlari to‘g‘risida”gi farmonlari hamda “Raqamli O‘zbekiston – 2030” strategiyasi asosida TXKMRMda simulyatsiya markazi o'z ishini boshladi. Simulyatsion markazda bugungi kunda 12 ta xona, 3 ta pult xonasi, 1 ta server xonasi va 2 ta zal mavjud.
Oʻqitishning yangi shaklini joriy etish, qisqa muddatli treninglar va mahorat saboqlarini berishdan boshlanadi. Simulyatsiya markazi yuqori darajadagi reallik simulyatorlari majmuasi, shu jumladan odamga o‘xshash robotlar Germaniya, Rossiya, Belorussiya davlatlari jixozlari bilan jihozlangan bo‘lib, ular yordamida o‘quvchilar amaliy ko‘nikmalarni o‘zlashtirish imkoniyatiga ega bo‘ladilar, shuningdek, ekranda operatsiyaning haqiqiy illyuziyasini yaratuvchi fantom-majmualar va maneken-imitatorlar bilan jihozlangan.
Bugungi kunda uzluksiz ta’limning kunduzgi va masofadan o‘qitish turlari mavjud. Masofadan o‘qitish amaliyot shifokorlari uchun qiziqarli bo‘lib, ular ishdan uzilmagan holda, yo‘lga vaqt va sarf-xarajat qilmasdan, maoshini yo‘qotmasdan turib ma’ruzalarni o‘ziga qulay paytda o‘zlashtiradi.
Masofadan o‘qitishning turli tashkiliy-texnik variantlari qo‘llaniladi: maxsus saytlar - Moodle platformasi, tele-videokonferetsiya yoki seminar ko‘rinishida olib boriladi.
Uzluksiz tibbiy-farmatsevtik ta’lim portali - Sog‘liqni saqlash vazirligining 2023 yil 18 avgustdagi “Tibbiyot xodimlarining malakasini oshirishga qaratilgan uzluksiz kasbbiy ta’lim portali faoliyatini joriy etish chora-tadbirlari to‘g‘risida”gi 202–sonli buyrug‘i ijrosini ta’minlash maqsadida, Tibbiyot xodimlarining kasbiy malakasini rivojlantirish markazining 2023 yil 22 avgustdagi “Tibbiyot xodimlarining malakasini oshirishga qaratilgan uzluksiz kasbiy ta’lim portali faoliyatini joriy etish chora-tadbirlari to‘g‘risida”gi 95-ich–sonli buyrug‘i asosida Markazda “Uzluksiz kasbiy ta’lim portali”ni yaratish bo‘yicha ishchi gurux tashkil qilindi va uning vazifalari ishlab chiqildi. Markazda portalning faoliyati va texnik ta’minoti uchun “Portal uchun mas’ul bo‘lgan vaqtinchalik mehnat jamoasi” tashkil qilinidi.
Markaz tomonidan 3 ta jurnal ta’sis etilgan. Bular “Salomat bo‘ling” ilmiy-ommabop jurnali, “Tibbiyot, ta’lim va innovatsion tadqiqotlar” ilmiy-amaliy referativ jurnali va “O‘zbek Tibbiyot Ilmi va Ta'limi Jurnali” – https://ujmse.uz/ internet global axborot tarmog‘i orqali tarqatiladigan elektron jurnallardir.
Xabibulla Ataullaevich Tibbiyot xodimlarining kasbiy malakasini rivojlantirish markazi direktori sifatida Ta’lim dasturlari xalqaro standartlar asosida to‘liq yangilanishiga, simulyatsion tibbiyot tizimini yaratishga, O‘zbekiston Respublikasini rivojlantirish strategiyasi bo‘yicha tibbiyot xodimlarini tayyorlash tizimining “yo‘l xaritasi” ishlab chiqilishiga, xorijiy hamkorlik aloqalarini o‘rnatishga va innovatsiyalarni joriy etishga muvaffaq bo‘lindi.
Markazning muvaffaqiyatli faoliyatida boshqa tibbiyot tashkilotlari bilan qilayotgan hamkorligi muhim ahamiyatga ega. Ilmiy tadqiqotlar o‘tkazish va kadrlar tayyorlash bo‘yicha 14 ta ITI, ixtisoslashtirilgan IATM, TTA, ToshPTI, SamDTU tibbiyot oliygohlari, «Sog‘lom avlod», «Ibn Sino» xalqaro jamg‘armalari, «Bolalarni tarbiyalash», «Giyohvandlikni oldini olish» markazlari bilan kelishuv shartnomalari bor.
Tibbiyot xodimlarining kasbiy malakasini oshirish markazi tomonidan joriy yilda Hindiston, Xitoy, Rossiya, Koreya, Turkiya, Germaniya, Fransiya, AQSH kabi xorijiy mamlakatlarning Apollo clinic, Antalya Research and Training Hospital, EMU university, Freiburg university, ISRP, IROC AG institute of refractive and ocular surgery, Center for disease analysis foundation, GIZ, LECTURIO, The first Affiliated hospital of USTC, KOFIH, ilmiy tekshirish instituti “Mat i detya”, Osh Davlat Universitet, Rossiya tibbiyot malaka oshirish instituti (RMANPO), FGBU “Natsionalniy meditsinskiy issledovatelskiy sentr xirurgii im.A.V.Vishnevskogo», “Mikroxirurgiya glaza” im.akademika S.N.Fedorova, “Severo-Zapadniy gosudarstvenniy medinskiy universitet im.I.I.Mechnikova” muassasalari bilan 18ta memorandum imzolandi.
Xalqaro aloqalar bo‘limi «Tibbiyot xodimlari uchun ingliz tili»ni ikki bosqichli o‘rganish kursining tashabbuskori va tashkilotchisi hisoblanadi. Mashg‘ulotlar Ijtimoiy-gumanitar fanlar kafedrasi xodimlari tomonidan tayyorlangan tibbiyot terminlaridan iborat qulay o‘quv qo‘llanmalar asosida olib boriladi.
Bugungi shiddatli zamonda, globall miqyosda raqobat kuchayib borayotgan murakkab vaziyatda yuksak intellektual salohiyatga ega kadrlarga - ayniqsa tibbiyot soxasi vakillariga ehtiyoj har qachongidan ham ortib borishi natijasida o‘z oldimizga qo‘ygan ulkan va mas’uliyatli vazifalardan kelib chiqib, Tibbiyot xodimlarining kasbiy malakasini rivojlantirish Markazi O‘zbekiston Respublikasi Sog’liqni saqlash vazirligi hamda xorijiy hamkor oliy ta’lim tashkilotlarining qo‘shma ta’lim dasturlari asosida ta’lim faoliyatini tashkil etish uchun tub o‘zgarishlar olib borilishi natijasida, Ta'lim va sog'liqni saqlash sohasida akkreditatsiya va sifatni ta'minlash bo'yicha Yevroosiyo markazi (ECAQA) tomonidan ECAQA oliy o'quv yurtidan keyingi va qo'shimcha ta'lim tibbiyot muassasalarini institutsional akkreditatsiya qilish standartlariga muvofiqligini tasdiqlovchi “Xalqaro institutsional akkreditatsiya Sertifikati” qo’lga kiritildi.
Bu borada ana shunday yuksak burchni aniq natijalar, amaliy ishlar bilan oqlangani muhtaram Prezidentimiz rahbarligida yurtimizda uchinchi Renessans poydevorini yaratish yo‘lida boshlangan keng ko‘lamli ishlarga munosib hissa bo‘lib qo‘shiladi.
Markaz jamoasi muqaddas ilm dargohining 95 yillik tabarruk yoshini qutlash arafasida ushbu jarayonlarning naqadar yuksak ahamiyatga ega ekanini teran anglagan holda, avvalo zamonaviy ta’limga qo‘yilgan talablarga javob beradigan, qulayligi, hammabopligi, uzluksizligi va sifati bilan ajralib turadigan, eng asosiysi shifokorlarning ta’limga bo‘lgan ehtiyojarini qondirishga yo‘naltirilgan jarayonni tashkil qilishda barcha imkoniyatlarini safarbar etadi.
