ТИББИЁТ ХОДИМЛАРИНИНГ КАСБИЙ МАЛАКАСИНИ РИВОЖЛАНТИРИШ МАРКАЗИ
“Тинчлик ва соғлиқ – бу ҳар бир инсон, бутун халқимиз учун ҳеч нарса билан ўлчаб, баҳолаб бўлмайдиган буюк неъматдир”
Ш.М.Мирзиёев
Тиббиёт ходимларининг касбий малакасини ривожлантириш маркази (ТХКМРМ) Ўзбекистон Республикаси Соғлиқни сақлаш вазирлигининг тиббиёт ходимларининг малакасини ошириш ва қайта тайёрлаш соҳасида етакчи илмий-ўқув-услубий маркази ҳисобланади.
Тарихий маълумотларнинг гувоҳлик беришича, Ўзбекистон Республикаси ўз фаолиятининг биринчи қадамларидан бошлаб, иқтисодий масалалар билан бирга халқ саломатлигини сақлаш ва касалликларни камайтиришга қаратилган ишларни амалга ошира бошлади. Республика халқ комиссарлари Кенгашининг махсус қарорида “Аҳолининг саломатлиги, унинг юксак жисмоний ва маданий кучларининг муҳим гаровидир. Тиббий ёрдам ўзининг бутун илмий ютуқлари билан ҳар бир киши учун хизмат қилиши керак. Фақат шаҳарларгагина эмас, балки қишлоқ жойларга ҳам етиб бориши зарур” дейилган эди.
1926 йил май ойида Хукумат қарорини ҳаётга тадбиқ этиш мақсадида соғлиқни сақлаш халқ комиссарлиги, вилоят соғлиқни сақлаш бўлимлари ходимларини съездини чақирди. Унда соғлиқни сақлашнинг долзарб масалалари: безгак касалликларига қарши кураш учун республика санитария ташкилотлари фаолиятини такомиллаштириш, ҳамда эпидемиологик касалликлар профилактикаси масалалари кўриб чиқилди.
Ўша пайтгача мавжуд бўлган Москва, Ленинград ва Қозон шаҳридаги шифокорларнинг малакасини ошириш институтларига кам сонли шифокорлар юборилган. Ҳар бир ўқиш муддати 15-30 кун давом этган. Энг муҳими у ерда касалликларнинг худудий хусусиятлари ўрганилмаган. Ўрта Осиё республикалари шифокорларининг малакасини оширишга бўлган эҳтиёжи ортиб бориши туфайли республиканинг ўзида врачлар малакасини оширишни ташкил қилиш долзарб ва мақсадга мувофиқ деб топилган.
Ўтган асрнинг 1930 йиллари бошларида нафақат Ўзбекистонда, балки бутун Ўрта Осиёда шифокорлар малакасини ошириш (такомиллаштириш) ва олий ўқув юртидан кейинги таълим тузилмасини ташкил этиш зарурати туғилди. Бунинг натижасида Марказий Осиё шифокорлар малакасини оширириш институти ташкил этилди.
Ўрта Осиё Ижроия Қўмитаси Президиумининг 1932 йил 22 июндаги 459-сон буйруғига асосан Ўрта Осиё врачлар малакасини ошириш институти (кейинчалик Тошкент врачлар малакасини ошириш институти, ҳозирда Тиббиёт ходимларининг касбий малакасини ривожлантириш маркази) ташкил этилган.
Таълимнинг биринчи йилида яъни бошланғич даврида, кафедраларнинг фаолиятини шакллантириш ва моддий техник базасини яратиш, ўқув ва илмий ишларни режалаштириш ва ташкиллаштириш учун барча имкониятлар ишга солинди.
1933 йилда дипломдан сўнгги тайёрлашни мавжуд бўлган 6 та кафедрада бошлади. Шу йили институтда биринчи бўлиб 84 нафар шифокор-тингловчи керакли мутахассислик бўйича малака оширди. Йил сайин янги кафедралар очилиб, тингловчилар сони ортиб борди.
1933 йилдан то 1940 йилгача институтида 1.330 нафар шифокор ўз малакасини оширди.
1936 йилда Институтнинг фундаментал кутубхонаси ташкил топган бўлиб, илмий, ўқув тарбиявий ва ахборот-ресурс манбаи ҳисобланади. У барча тингловчи шифокорлар ва илмий ходимларни зарурий китоблар, хорижий ва мумтоз тиббиёт адабиётлари билан таъминлайди. Ҳозирги кунда кутубхонадаги илмий, ўқув дарсликлари, ижтимоий-сиёсий ва бадиий китоблар заҳираси 140 000 нусхадан ортади.
1941 -1945 йилларда институт жамоаси ўз фаолиятини давр талабини адо этишга қаратди. Тиббиёт ходимларини тайёрлаш 5,5 маротабага кўпайди. Фронт ва эвокогоспиталлар эҳтиёжи учун 4585 нафар шифокор тайёрланди. Шу билан бирга институт ходимларидан 24 нафари бевосита Улуғ Ватан уруши қатнашчилари ҳисобланади.
II Жаҳон Уруши қатнашчилари ва меҳнат фахрийлари
Институт учун урушдан кейингги давр бир мунча йўқотишларга қарамасдан, илмий-техник жиҳатдан юксалишга имкон берди. Бирин-кетин янги факультетлар ташкил қилинди, 5 та кафедра жорий қилиниб, янги мутахассисликлар бўйича малака ошириш йўлга қўйилди. Марказдан институт учун янги бино қуришга руҳсат олиниб унинг пойдеворини қурдирилди.
95 йил ичида ТошВМОИ зиммамизга тушган улкан, тарихий миссияни муваффақиятли адо этиш, жонажон Ватанимизни янада тараққий эттиришга қаратилган оғир ва машаққатли, шу билан бирга, ғоят шарафли интилишларимиз улкан амалий ҳаракат ва натижаларга айланиб бормоқда десак муболаға бўлмайди. 95 йил давомида дипломдан сўнгги юқори малакали мутахассисларни тайёрлашда ТошВМОИ етакчи олий ўқув ва илмий даргоҳ сифатида тан олиниб, 1982 йил 19 августда «Меҳнат Қизил Байроқ» ордени билан мукофотланган.
«Ўзбекистон миллий энциклопедияси»да бу илм маскани ҳақида шундай сатрлар бор: «Институт Жаҳон Соғлиқни сақлаш ташкилотининг олий тиббий мутахассислар тайёрлайдиган базаси ҳисобланади».
1960 йили - 1024 шифокор, 1965 йили – 2211 шифокор, 1975 йили – 3031 шифокор ва 1981 йили 5000 шифокор тайёрланди.
Институт ташкил этилган 1932 йилдан то 2017 йилга қадар 11 киши ректорлик лавозимида фаолият юритган:
• 1932-1938 ─ Моисей Илич Слоним
• 1938–1941 ─ Игрон Самуил Маркович
• 1942–1945 ─ Видутский Моисей Яковлевич
• 1946–1953 ─ Жўра Саидович Пўлатов
• 1953–1957 ─ Маҳамат Бобожонович Султонов
• 1957–1960 ─ Зияд Аминович Долимов
• 1960–1963 ─ Маннап Атаматович Мирзамуҳамедов
• 1963–1979 ─ Ҳамидулла Ҳусанович Ҳусанов
• 1979–1984 ─ Қаюм Собирович Зоиров
• 1984–1997 ─ Абдуманнон Раҳманович Раҳимжонов
• 1997–2017 ─ Жўрабой Маърифбоевич Собиров
• 2017 – ҳозирги кунга қадар – Акило Хабибулла Атауллаевич
Институт ходимлари замон билан ҳамнафас бўлиб, амалий соғлиқни сақлаш талабларига сезгир муносабатда бўлган ҳолда тиббиёт кадрларини аспирантурадан кейинги таълимнинг турли босқичларида илгари сурилган муаммоларни тез ва сифатли ҳал этиб, шифокорлар малакасини такомиллаштириш бўйича бошқа институтларнинг тажрибасини ўрганиб, умумлаштиради. Агар институт фаолиятининг дастлабки йилларида рус мактабининг олим-ўқитувчилари устунлик қилган бўлса, кейинчалик уларнинг сафи маҳаллий кадрлар билан тўлдирила бошланди.
1963 йили Зоиров Қаюм Собировичнинг ташаббуси билан институтда Умумий гигиена кафедраси ташкил топди.
1977 йил 18 августида 796 сонли (Об организатсии кафедри пулмонологии в ТашИУВ) буйруқ асосида Тошкент врачлар малакасини ошириш институтида “Клиник пулмонология” кафедраси ташкил этилди.
1989 йилда Собиров Джўрабой Марифбаевич ташаббуси билан “Шошилинч ва тез тиббий ёрдам” кафедраси ташкил этилди ва ушбу кафедрага унинг ўзи раҳбарлик қилди.
1992 йилда эса анестизиология ва реанимация ҳамда шошилинч ва тез тиббий ёрдам кафедраси бирлаштирилди.
1991 йилда Меҳмонхона типидаги “Шифокор” ётоқхонаси биноси қуриб фойдаланишга топширилган. Бинонинг лойиха бўйича сиғими талабага мўлжалланган бўлиб, ҳозирги кунда 703 ўриндан фойдаланилмоқда. Ётоқхонанинг фойдаланиш майдони 12877m.2.ni ташкил қилади
Ётоқхона намунавий нормаларга мувофиқ яшаш, шуғулланиш ва дам олиш (ҳордиқ) учун зарур бўлган асбоб-ускуналар, хўжалик объектлари билан жиҳозланган.
1997 йил апрелдан Собиров Джўрабой Марифбаевич ТошВМОИ ректори этиб тайинланди, унинг ташаббуси билан ҳар йили республикамизнинг етакчи мутахассислари ҳамда яқин ва узоқ хориждан келган олимлар билан ҳамкорликда илмий-амалий анжуманлар, семинарлар ўтказиб, янги яратилган технологиялар, дори воситалари амалий тиббиётга жорий этилди.
2017 йил март ойидан бошлаб Акилов Хабибулла Атауллаевич ўн иккинчи ректор лавозимида ҳозирги кунга қадар фаолийта юритиб келмоқда.
2003 -2017 йиллар мобайнида Акилов Хабибулла Атауллаевич - тиббиёт фанлари доктори, профессор ТошВМОИ ўқув ишлар бўйича проректори вазифасида ишлади. Ўша йилдан ҳозиргача Хирургия ва болалар хирургияси кафедраси мудири лавозимида фаолият кўрсатиб келмоқда.
Ўзбекистан Республикаси Президентининг 2020 йил 7 апрелдаги “Тиббий-санитария сохасида кадрларни тайёрлаш ва узлуксиз касбий ривожлантиришнинг мутлақо янги тизимини жорий этиш чора-тадбирлари тўғрисида”ги ПҚ-4666-сонли Қарори билан Тошкент врачлар малакасини ошириш институтини “Тиббиёт ходимларининг касбий малакасини ривожлантириш маркази” этиб қайта ташкил этилди.
Тиббиёт ходимларининг касбий малакасини ривожлантириш марказининг Кўп тармоқли клиникаси Ўзбекистон Республикаси Президентининг “Тиббий - санитария соҳасида кадрларни тайёрлаш ва ўзлюксиз касбий ривожлантиришнинг мутлақо янги тизимини жорий этиш чора-тадбирлари тўғрисида” 2020 йил 7 апрелдаги ПҚ-4666-сон қарорига мувофиқ Тошкент шаҳридаги 1-сон Республика клиник шифохонаси негизида ташкил этилган бўлиб, Марказнинг таркибий тузилмаси ва клиник фанларни ўқитиш учун асосий база ҳисобланади. Шунингдек, кафедра ходимлари билан биргаликда ўқув жараёнини ташкил этиш, аҳолига ихтисослаштирилган хизмат кўрсатиш, тиббиёт соҳасида илмий-текширув изланишларини олиб боришда фаол иштирок этади.
Ўз ватанини, она халқини равнақ топтириш учун ўзини аямасдан меҳнат қилиш: бу – жасорат ва мардлик, бу – она юртга муҳаббат ва садоқат, бу – тўғри тарбия ва амалий намуна демакдир. Ўз касбига садоқатли, устозлари ишини давом эттириб, кўплаб муносиб шогирдлар тайёрлаб, мактаб яратган устоз даражасига кўтарилган забардаст олимлар Ўзбекистон Қаҳрамони, профессор, Х.М.Камилов, академик А.М.Убайдуллаев, академик Ф.Г.Назиров, академик С.М.Баҳромов, академик Э.И.Мусабаев, академик Х.А.Акилов, профессор А.И.Икрамов, профессор Д.М.Сабиров, профессор Д.А.Асадов, профессор Б.Г.Гафуров, профессор А.А.Фазилов, профессор У.К.Каюмов, профессор Ф.С.Шамсиевлар ёшларга тиббиёт ва ҳаёт мактабларидан ўрнак бўлиб келмоқдалар.
Шу билан бирга М.С.Касимова, У.Ф.Насирова, С.Р.Маткаримов, Ф.И.Хамрабаева, Б.А.Магрупов, С.С.Кариев, Г.Т.Искандарова, Ш.Х.Саидазизова, А.М.Хаджибаев, Д.А.Зареддинов, А.Н.Арипов, А.А.Гайбуллаев, А.А.Абдукадиров, Sh.Sh.Шамансуров, М.Э.Ирисметов, М.А.Гафур-Ахунов, E.Dj.Исхаков, G.Sh.Хамраева, A.Yu.Ибрагимов, Ф.Д.Каримова, М.М.Асатова, Л.А.Турсунходжаева, Э.М.Мирджўраев, Н.Н.Убайдуллаева, Ш.Б.Иргашев, И.Р.Мавлянов, М.Н.Нуритдинов, М.Г.Мухамедова, С.А.Гаффаров, Я.М.Мамадалиева, Г.Н.Рахимова, Г.М.Тулебоева, Қ.Х.Юлдашев, И.М.Ахмедова, А.С.Алимов, Р.Н.Акалаев, Ш.М.Кариев, У.Х.Алимов, Д.З.Мухтаров, О.А.Арипов, Р.К.Салиходжаева, Н.Н.Нормуродова, Э.Э.Эргашевларни фаҳр билан тилга оламиз ва уларга таъзим қиламиз.
Акилов Хабибулла Атауллаевич, Ўзбекистон Республикаси Тиббиёт ходимларининг касбий малакасини ривожлантириш маркази директори, Қирғизистоннинг Ош давлат университети томонидан “Фахрий профессор” унвони билан тақдирланди. Тиббиёт фанлари доктори, профессор, Ўзбекистон Республикаси Турон фанлар академияси академиги, Хабибулла Атауллаевич Акилов — Тиббиёт ходимларининг малакасини ошириш маркази (ТошВМОИ) директори, Россия соғлиқни сақлаш вазирлигига қарашли Россия доимий тиббий таълим академияси томонидан "Фахрий профессор" унвони билан тақдирланди. Профессор Хабибулла Атауллаевич шунингдек, “Фидокорона хизматлари учун” ордени, Ўзбекистон Соғлиқни сақлаш аълочиси, “Ўзбекистон Мустақиллигининг 10 йиллиги”, “Ўзбекистон Мустақиллигининг 20 йиллиги”, “Ўзбекистон Мустақиллигининг 25 йиллиги”, кўкрак нишонларига эга ва Украинанинг Георгий “Шон - Шуҳрат Меҳнат” медали соҳиби.
Ўзбекистон Республикаси Мустақиллигининг 33 йиллиги олдидан Марказ “Тиббий радиология” кафедраси мудири, профессор Икрамов Адхам Илхамович — “Халқимизнинг интеллектуал ва маънавий салоҳиятини юксалтириш, таълим, соғлиқни сақлаш, адабиёт, маданият ва санъат соҳалари ҳамда оммавий ахборот воситаларини ривожлантириш борасида эришаётган юксак натижалари, юртимиз тараққиётини таъминлаш, жамиятда тинчлик ва тотувлик, ижтимоий барқарорликни мустаҳкамлаш, ёш авлодни эзгу ғоялар руҳида соғлом ва баркамол этиб тарбиялашга қўшган катта ҳиссаси, шунингдек, жамоат ишларидаги фаоллиги учун” “Ўзбекистон Республикасида хизмат кўрсатган соғлиқни сақлаш ходими” фахрий унвони билан тақдирланганлиги Марказимиз учун катта эътироф.
Тиббиёт ходимларининг касбий малакасини ривожлантириш маркази “Менежмент, ижтимоий ва бирламчи соғлиқни сақлаш” факультети “Превентив тиббиёт – валеология асослари” кафедраси профессори Иргашев Шуҳрат Боисович “Меҳнат шуҳрати” ордени билан мукофотланди. Шуҳрат Боисовичнинг ушбу мукофоти унинг соғлиқни сақлаш соҳасидаги юксак малакаси, ўқитувчилик ва илмий фаолияти, шунингдек, тиббиёт ходимларини тайёрлаш ва уларнинг профессионал ривожланишига қўшган улкан ҳиссасини эътироф этади. Шунингдек, Марказ “Терапия” факультети декани, “Гастроэнтерология” кафедраси мудири, профессор Хамрабаева Феруза Ибрагимовна “Ўзбекистонда тиббий туризмни ривожлантиришда қўшган ҳиссаси учун” кўкрак нишони билан тақдирланди. Бу мукофот унинг соғлиқни сақлаш соҳасидаги фаолияти ва мамлакатимизда тиббий туризмни ривожлантиришга қўшган улкан ҳиссасини эътироф этади.
Мустақиллик йилларида марказ ходимлари орасида 100 дан ортиқ мукофотланганлар орасида «Ўзбекистон Қаҳрамони», «Олтин Юлдуз» медали соҳиби - «Офталмология» кафедрасининг мудири, тиббиёт фанлари доктори профессор Холиджон Махамаджонович Комилов фаолият юритаётганини фахр билан маълум қиламиз. Шу билан бирга Марказ ходимлари орасида 1 нафардан «Фидокорона ҳизматлари учун», «Эл-юрт ҳизматлари учун» орденлари соҳиблари, «Меҳнат шуҳрати» ордени соҳиблари – 4 нафар, «Меҳр-саҳоват» кўкрак нишони соҳиблари – 27 нафар, «Ўзбекистон Республикасида хизмат кўрсатган соғлиқни сақлаш ходими» фахрий унвони соҳиблари – 2 нафар, «Ўзбекистон Республикаси Мустақилликнинг 30 йиллиги» эсдалик нишони – 50 нафар, «Йил аёли», «Мўътабар аёл» номинациялари соҳибалари – 1 нафардан, 40 га яқин «Ўзбекистон Републикаси Соғлиқни сақлаш аълочиси» кўкрак нишони сохиблари фаолият юритишаётгани билан фаҳрланамиз.
Мазкур мукофотлар ва эътирофлар нафақат шахслар, балки Марказимизнинг бутун жамоаси учун катта ғурур ва рағбат манбаи бўлиб, соғлиқни сақлаш тизимида сифатни ошириш ва халқимизга янада юқори даражада хизмат кўрсатишга бўлган интилишимизни янада мустаҳкамлайди.
Бугунги кунда Марказда 5 та худудий филиаллар (Навоий, Наманган, Қашқадарё, Сирдарё ва Жиззах вилоятларида), 5 та факультет («Тиббий-профилактика», «Терапия», «Хирургия», «Педиатрия», «Менеджмент, жамоат саломатлиги ва соғлиқни сақлашни бошқариш» «Клиник ординатура деканати»): 54 та кафедра, 4 та курс мавжуд.
Шифокор кадрларнинг дипломдан кейинги асосий тайёргарликларидан бири–тиббиёт ходимларининг малакасини ошириш ва профессионаллик даражасини юксалтиришнинг олий шакли бўлган – клиник ординатура Ўзбекистоннинг мустақиллик йилларида кўп даражали узлуксиз таълим тизимининг энг муҳим қисмларидан бирига айланди. Шу маънода 2007 йили институтда клиник ординатура деканати ташкил этилди.
Бугунги кунда Марказ ўз фаолиятида клиник ординатура масалалари бўйича Ўзбекистон Республикаси Қонунларига, Президент Фармонлари, қарор ва фармойишларига, Вазирлар Маҳкамасининг қарорлари, Олий таълим вазирлиги ва Соғлиқни сақлаш вазирлиги буйруқларига асосланади. Клиник ординатура фаолиятининг асосий йўналишлари ўқув-услубий, илмий-тадқиқот, даволаш-профилактика ва маънавий-маърифий ишларни олиб боришдир. Сўнгги 15 йил давомида икки йиллик клиник ординатурани 4 000 ортиқ ёш мутахассислар битирди.
2008-йилда Эпидемиология кафедрасида “ОИВ/ОИТС муаммолари” курси ташкил этилди. Курс рахбари тиббиёт фанлари доктори, dots.nt K.Yu. Юлдашев. Кафедра базаси Республика ОИТСга қарши кураш Маркази клиникаси ҳисобланади.
2015-йилда Академик В.Воҳидов номидаги РШТТЁМда “Хирургия-1” кафедраси ташкил этилди. Кафедра мудири академик Ф.Г. Назиров.
2015-йилда “Клиник фармакология” кафедраси мудири томонидан ташкил этилган. Кафедра профессори И.Р.Мавлянов 3-ТТА клиникасида жойлашган.
2017-йилда Менежмент, ижтимоий ва бирламчи соғлиқни сақлаш факультети ташкил этилди.
2017-йилда “Олий маълумотли ҳамширалар” кафедраси ташкил этилди. Кафедра мудири доценти Р.К. Салиходжаева.
2017-йилда “Инновацион технологиялар учун тиббий асбоб-ускуналар ва муҳандислик ходимлари” кафедраси мудири томонидан ташкил этилган. Кафедра доценти Б.Т. Ғуломов
2018-йилда “Тиббий-ижтимоий экспертиза курси билан нейрохирургия” кафедраси ташкил этилди. Кафедра мудири профессор Ш.М.Кариев.
Марказда 435 нафар ходим ишлайди: улардан 4 нафари академик, 153 нафари фан доктори, профессорлар 166 нафари фан номзоди, доцентлар, илмий салоҳият 77,1%.
Масофадан ўқитишнинг турли ташкилий-техник вариантлари қўлланилади: махсус сайтлар - Моодле платформаси, теле-видеоконфереция ёки семинар кўринишида олиб борилади.
Тиббиёт ходимларининг касбий малакасини ошириш марказининг расмий веб сайти мавжуд: tipme.uz. Марказда булутли “хужжатлар электрон базаси”, “электрон деканат", “ўқув жараёнини назорат қилиш платформаси”, “онлайн тест” каби электрон платформалар шакллантирилган. 2006 йилда китобларнинг электрон нусхаларидан ташкил топган замонавий виртуал кутубхона яратилган бўлиб, бугунги кунда электрон кутубхона ресурсларига эркин кириш имкониятилари мавжуд.
2020 йилда Марказ Симуляция технологияларини жорий этиш бўйича илк қадам қўйилган. Ўзбекистон Республикаси Президентининг “Олий таълимни янада ривожлантириш чора-тадбирлари тўғрисида”ги шунингдек “Тиббиёт ва фармацевтика таълими ва фан тизимини янада ривожлантириш чора-тадбирлари тўғрисида”ги фармонлари ҳамда “Рақамли Ўзбекистон – 2030” стратегияси асосида ТХКМРМда симуляция маркази ўз ишини бошлади. Симуляцион марказда бугунги кунда 12 та хона, 3 та пулт хонаси, 1 та сервер хонаси ва 2 та зал мавжуд.
Ўқитишнинг янги шаклини жорий этиш, қисқа муддатли тренинглар ва маҳорат сабоқларини беришдан бошланади. Симуляция маркази юқори даражадаги реаллик симуляторлари мажмуаси, шу жумладан одамга ўхшаш роботлар Германия, Россия, Белоруссия давлатлари жихозлари билан жиҳозланган бўлиб, улар ёрдамида ўқувчилар амалий кўникмаларни ўзлаштириш имкониятига эга бўладилар, шунингдек, экранда операциянинг ҳақиқий иллюзиясини яратувчи фантом-мажмуалар ва манекен-имитаторлар билан жиҳозланган.
Бугунги кунда узлуксиз таълимнинг кундузги ва масофадан ўқитиш турлари мавжуд. Масофадан ўқитиш амалиёт шифокорлари учун қизиқарли бўлиб, улар ишдан узилмаган ҳолда, йўлга вақт ва сарф-харажат қилмасдан, маошини йўқотмасдан туриб маърузаларни ўзига қулай пайтда ўзлаштиради.
Масофадан ўқитишнинг турли ташкилий-техник вариантлари қўлланилади: махсус сайтлар - Моодле платформаси, теле-видеоконфереция ёки семинар кўринишида олиб борилади.
Узлуксиз тиббий-фармацевтик таълим портали - Соғлиқни сақлаш вазирлигининг 2023 йил 18 августдаги “Тиббиёт ходимларининг малакасини оширишга қаратилган узлуксиз касббий таълим портали фаолиятини жорий этиш чора-тадбирлари тўғрисида”ги 202–сонли буйруғи ижросини таъминлаш мақсадида, Тиббиёт ходимларининг касбий малакасини ривожлантириш марказининг 2023 йил 22 августдаги “Тиббиёт ходимларининг малакасини оширишга қаратилган узлуксиз касббий таълим портали фаолиятини жорий этиш чора-тадбирлари тўғрисида”ги 95-ич–сонли буйруғи асосид Марказда “Узлуксиз касбий таълим портали”ни яратиш бўйича ишчи гурух ташкил қилинди ва унинг вазифалари ишлаб чиқилди. Марказда порталнинг фаолияти ва техник таъминоти учун “Портал учун масъул бўлган вақтинчалик меҳнат жамоаси” ташкил қилиниди.
Марказ томонидан 3 та журнал таъсис этилган. Булар “Саломат бўлинг” илмий-оммабоп журнали, “Тиббиёт, таълим ва инновацион тадқиқотлар” илмий-амалий рефератив журнали ва “Ўзбек Тиббиёт Илми ва Таълими Журнали” – https://ujmse.uz/ интернет глобал ахборот тармоғи орқали тарқатиладиган электрон журналлардир.
Хабибулла Атауллаевич Тиббиёт ходимларининг касбий малакасини ривожлантириш маркази директори сифатида Таълим дастурлари халқаро стандартлар асосида тўлиқ янгиланишига, симуляцион тиббиёт тизимини яратишга, Ўзбекистон Республикасини ривожлантириш стратегияси бўйича тиббиёт ходимларини тайёрлаш тизимининг “йўл харитаси” ишлаб чиқилишига, хорижий ҳамкорлик алоқаларини ўрнатишга ва инновацияларни жорий этишга муваффақ бўлинди.
Марказнинг муваффақиятли фаолиятида бошқа тиббиёт ташкилотлари билан қилаётган ҳамкорлиги муҳим аҳамиятга эга. Илмий тадқиқотлар ўтказиш ва кадрлар тайёрлаш бўйича 14 та ИТИ, ихтисослаштирилган ИАТМ, ТТА, ТошПТИ, СамДТУ тиббиёт олийгоҳлари, «Соғлом авлод», «Ибн Сино» халқаро жамғармалари, «Болаларни тарбиялаш», «Гиёҳвандликни олдини олиш» марказлари билан келишув шартномалари бор.
Тиббиёт ходимларининг касбий малакасини ошириш маркази томонидан жорий йилда Ҳиндистон, Хитой, Россия, Корея, Туркия, Германия, Франция, АҚШ каби хорижий мамлакатларнинг Аполло cлиниc, Анталя Ресеарч анд Траининг Ҳоспитал, ЭМУ университй, Фреибург университй, ИСРП, ИРОC АГ институте оф рефраcтиве анд оcулар сургерй, Cентер фор дисеасе аналйсис фоундатион, ГИЗ, ЛECТУРИО, Тҳе фирст Аффилиатед ҳоспитал оф УСТC, КОФИҲ, илмий текшириш институти “Мат и детя”, Ош Давлат Университет, Россия тиббиёт малака ошириш институти (РМАНПО), ФГБУ “Националний медицинский исследователский центр хирургии им.А.В.Вишневского», “Микрохирургия глаза” им.академика С.Н.Федорова, “Северо-Западний государственний мединский университет им.И.И.Мечникова” муассасалари билан 18та меморандум имзоланди.
Халқаро алоқалар бўлими «Тиббиёт ходимлари учун инглиз тили»ни икки босқичли ўрганиш курсининг ташаббускори ва ташкилотчиси ҳисобланади. Машғулотлар Ижтимоий-гуманитар фанлар кафедраси ходимлари томонидан тайёрланган тиббиёт терминларидан иборат қулай ўқув қўлланмалар асосида олиб борилади.
Бугунги шиддатли замонда, глобалл миқёсда рақобат кучайиб бораётган мураккаб вазиятда юксак интеллектуал салоҳиятга эга кадрларга - айниқса тиббиёт сохаси вакилларига эҳтиёж ҳар қачонгидан ҳам ортиб бориши натижасида ўз олдимизга қўйган улкан ва масъулиятли вазифалардан келиб чиқиб, Тиббиёт ходимларининг касбий малакасини ривожлантириш Маркази Ўзбекистон Республикаси Соғлиқни сақлаш вазирлиги ҳамда хорижий ҳамкор олий таълим ташкилотларининг қўшма таълим дастурлари асосида таълим фаолиятини ташкил этиш учун туб ўзгаришлар олиб борилиши натижасида, Таълим ва соғлиқни сақлаш соҳасида аккредитация ва сифатни таъминлаш бўйича Евроосиё маркази (ЭCАҚА) томонидан ЭCАҚА олий ўқув юртидан кейинги ва қўшимча таълим тиббиёт муассасаларини институционал аккредитация қилиш стандартларига мувофиқлигини тасдиқловчи “Халқаро институционал аккредитация Сертификати” қўлга киритилди.
Бу борада ана шундай юксак бурчни аниқ натижалар, амалий ишлар билан оқлангани муҳтарам Президентимиз раҳбарлигида юртимизда учинчи Ренессанс пойдеворини яратиш йўлида бошланган кенг кўламли ишларга муносиб ҳисса бўлиб қўшилади.
Марказ жамоаси муқаддас илм даргоҳининг 95 йиллик табаррук ёшини қутлаш арафасида ушбу жараёнларнинг нақадар юксак аҳамиятга эга эканини теран англаган ҳолда, аввало замонавий таълимга қўйилган талабларга жавоб берадиган, қулайлиги, ҳаммабоплиги, узлуксизлиги ва сифати билан ажралиб турадиган, энг асосийси шифокорларнинг таълимга бўлган эҳтиёжарини қондиришга йўналтирилган жараённи ташкил қилишда барча имкониятларини сафарбар этади.
