Ҳурматли ҳамкасабалар, порталимизга ташриф этувчилар!

Порталимизга хуш келибсиз!

     Ўйлайманки, порталимиз билан танишиш жараёнида Сиз азизлар, Тиббиёт ходимларининг касбий малакасини ривожлантириш маркази (Тошкент Врачлар Малакасини Ошириш Институти)  тўғрисида керакли ахборотга эга бўласиз ва бу ахборот Сизга қизиқарли бўлибгина қолмай, балки амалда фойда келтиришига умид қиламан.

   Бизнинг ишимиз ҳалқ саломатлигини  сақлаш учун мутахассисларни дипломдан кейинги тайёрлашга йўналтирилган. Бу иш билан 85 йилдан ортиқ вақт давомида шуғулланиб келаяпмиз. Жамоамизнинг кўп йиллик тарихи мобайнида марказ тузилмаси ҳамда фаолият йўналишларини такомиллаштириш давом эттирилмоқда. Бугунги кунда ТХКМРМ исталган ихтисосликдаги врачга илғор тиббиётга доир энг янги билимларни таклиф этиши мумкин. Марказимиз умумий амалиёт врачларидан тортиб, соғлиқни сақлашнинг юқори бўғини раҳбарларигача бўлган мутахассисларни тайёрлашнинг катта тажрибасига эга.

     Ўқитиш қуйидаги қоидага асосланади: тиббиёт олийгоҳи битирувчиси, хусусан амалиёт врачи олимлик  тафаккурига, менежерлик қобилиятига, тиббиётга оид билимлар ва амалий кўникмаларга эга бўлиши лозим.

    Бизнинг жамоамиз учун ўқитишнинг сифати жуда муҳимдир, шунинг учун у етказилаётган ахборотнинг теранлиги ва тақдим этилган билимларнинг турли-туманлиги билан ажралиб туради.   Бунга ходимлар томонидан нафақат ишнинг анъанавий ва янги усулларини билиш, балки клиник базаларимизнинг аъло даражада техник жиҳозланганлиги ҳамда замонавий ускуналар билан таъминланганлиги кўмаклашади.

    Муайян билимларни тақдим этишдан ташқари биз тингловчиларни тиббиётдаги узлуксиз таълим дипломдан кейинги таълимнинг муҳим жиҳати эканлигига ишонтиришга ва амалиётда уларга кўмаклашишга ҳаракат қиламиз.

    Маълумки, табиий фанларда тиббиётдаги сўнгги ютуқлардан хабардор бўлмаган  ҳолда сифатли тиббиёт ёрдам кўрсатиш амри маҳол. Оқил хитойликлар бекордан-бекорга «Ўқиш худди оқимга қарши эшкак эшишга ўхшайди, қачон тўхташинг билан сени орқага қайтаради» деган нақлни қайтаришдан чарчамаганлар.

     Сизнинг истакларингиз, мулоҳазаларингиз ва таклифларингиз жамоамиз ишини такомиллаштиришга ёрдам беради ва миннатдорлик билан қабул қилинади.

Ҳурмат билан марказ директори, профессор Х.А.Акилов.