Нейрохирургия кафедраси Neuron Medical Center ва ТХКМРМ қошидаги кўп тармоқли клиникаси  базасида фаолият юритади.

Клиник база кафедранинг таълим ва илмий фаолиятида муҳим ўрин эгаллайди. Клиник амалиёт билан узвий боғлиқлик касбий тайёргарликни нейрохирургиянинг амалий вазифалари доирасида олиб бориш, клиник ҳолатларни таҳлил қилиш, текширув натижаларини талқин этиш ва даволаш тактикасини асослашга эътибор қаратиш имконини беради.

Академик ёндашув ва клиник йўналтирилганликнинг уйғунлиги тиббий ахборотни мустақил баҳолай оладиган, асосланган қарорлар қабул қиладиган ва касбий компетенцияларини изчил такомиллаштирадиган мутахассисни тайёрлашнинг асосини ташкил этади.